| e-texts navigator |
| Wylie |
49a1 འདུལ་བའི་དོན་ཆེད་དུ།། གོམས་གྱུར་སྒོམ་ལུགས་བྱིན་རླབས་སྐོར།། དོན་རྟགས་བྱིན་བརླབས་རྗེ་ཁོལ་ཚུལ།། རང་གི་རྩ་བ་ཡན་ལག་བསྲུང་།། ཕྲིན་ལས་ཁྲུས་དང་གཙང་སྦྲ་སྤྱོད།། དག་པ་གསུམ
49a2 དང་ལྡན་པར་བསྒྲུབས།། རིགས་གསུམ་མགོན་པོའི་ས་ལ་འགྲོ།། མཉམ་པས་འདུལ་བའི་དོན་ཁྱེད་དུ།། འཇུག་པའི་སྒོ་ཚུལ་སྤྱོད་པ་ནི།། བྱ་བའི་རྒྱུད་དང་མཐུན་པར་བྱེད།། ལྟ་བ་སྒྲུབ་ཐབས་འབྲས་བུ་ནི།། རྣལ
49a3 འབྱོར་རྒྱུད་ཀྱི་རྗེས་སུ་བསྒྲུབས།། གཉི་གའི་རྒྱུད་ཅེས་གྲགས་པར་བཤད།། རིགས་བཞི་རྡོ་རྗེ་འཆང་སར་གནས།། ཟབ་མོས་འདུལ་བའི་དོན་ཆེད་དུ།། མངོན་པར་བྱང་ཆུབ་ལྔ་ཡི་སྒོར།། དོན་རྟོགས་ཀུན་རྫོབ
49a4 གྲོགས་པོར་བལྟ།། སྤྱི་དང་ཁྱད་པར་དམ་ཚིག་བསྲུང་།། ཕྲིན་ལས་བཞི་ལ་ཏིང་ངེས་སྤྱོད།། ཕྱག་རྒྱ་བཞི་དང་ལྡན་པར་བསྒྲུབས།། རིགས་ལྔའི་སངས་རྒྱས་འགྲུབ་པར་འདོད།། ཚོགས་ཀྱི་སྒྲུབ་པས་འདུལ་དོན
49a5 དུ།། ཏིང་འཛིན་རྣམ་གསུམ་སྒོར་ཞུགས་ནས།། དབྱེར་མེད་སྐྱེ་འགག་མེད་པར་བལྟ།། རྩ་བ་ལྔ་སོགས་ཡན་ལག་བཅས།། སྒྲོལ་དང་སྦྱོར་ལ་རབ་ཏུ་བརྩོན།། ཐབས་ཤེས་གཉིས་མེད་བསྙེན་བསྒྲུབ་བཞི།། ཡི་གེ
49a6 འཁོར་ལོ་ཚོགས་ཆེན་པོ།། མཉམ་པའི་སྤྱོད་པས་འདུལ་དོན་དུ།། ཡོངས་རྫོགས་ཏིང་འཛིན་སྒོར་ཞུགས་ནས།། དབྱིངས་དང་ཡེ་ཤེས་ཡབ་སྲས་ལྷ།། སྤྱི་དང་ཁྱད་པར་ལྷག་པ་བསྲུང་།། མཚན་མ་སྤྱོད་མེད་སྣོད་བཅུད
iiif viewer powered by OpenSeadragon
