| e-texts navigator |
| Wylie |
48b1 ཡུལ་ཅན་ཀུན་ལས་གྲོལ།། གཟུང་འཛིན་ཆོས་ལ་མི་གནས་ཡང་།། རང་སེམས་དག་པའི་བསོད་ནམས་ཡིན།། དེ་ནས་བཅོམ་ལྡན་འདས་ཀྱིས་ཐེག་པ་ཐམས་ཅད་རབ་ཏུ་གསལ་བ་ཞེས་བྱ་བ་འདི་གསུངས་སོ།།
48b2 ཉོན་མོངས་སྟོང་ཕྲག་བརྒྱ་ཅུ་ཡི།། གཉེན་པོར་ཆོས་ཀྱི་སྒོ་མོ་སྤྲོ།། ཆོས་དང་གང་ཟག་བདག་གཉིས་ཀྱང་།། དེ་ལ་སྡེ་སྣོད་རྣམ་གསུམ་སྤྲོ།། ཉོན་མོངས་ལྔ་ལ་ཞེན་པ་ཡང་།། ཉོན་མོངས་ལམ་སློང་གསང
48b3 སྔགས་སྤྲོ།། མོས་པ་ཆུང་ངུའི་དོན་ཆེད་དུ།། སྦྱངས་པའི་ཡོན་ཏན[:]བཅུ་གཉིས་དང་།། གང་ཟག་ཆོས་ལ་བདག་བལྟ་ཞིང་།། རྩ་བ་ཡན་ལག་ཚུལ་ཁྲིམས་བསྲུང་།། ལུས་ངག་ཡིད་གསུམ་དགེ
48b4 བཅུ་སྤྱོད།། བདེན་པ་བཞི་ཡི་དོན་བསྒྲུབས་ནས།། འབྲས་བུ་རྣམ་བཞི་བསྒྲུབ་པར་འདོད།། དམིགས་པ་ཕྲ་བ་འདུལ་དོན་དུ།། འབྲེལ་ཅིང་འབྱུང་བ་རྟེན་འབྲེལ་སྐོར།། གང་ཟག་ཆོས་ལ་ཕྱོགས་གཅིག་རྟོགས།། རང
48b5 གོམས་ཤུགས་ཀྱིས་དཀའ་ཐུབ་སྲུང་།། རྫུ་འཕྲུལ་ལུས་ཀྱིས་འགྲོ་དོན་སྤྱོད།། དགེ་བཤེས་མི་ལྟོས་མངོན་གོམས་བསྒྲུབས།། ནེ་ཚོ་བསེ་རུ་ལྟ་བུར་གནས།། ཟབ་ཅིང་རྒྱ་ཆེ་འདུལ་བ་ནི།། བདེན་པ་གཉིས་ཀྱི་སྒོར
48b6 ཞུགས་ནས།། གང་ཟག་ཆོས་ལ་བདག་མེད་ཅིང་།། བྱང་ཆུབ་སེམས་ལྡན་བསླབ་པ་བསྲུང་།། ཚད་མེད་བསྡུ་བའི་དངོས་པོ་སྤྱོད།། ཕ་རོལ་ཕྱིན་བཅུ་སྒྲུབ་པར་ལྡན།། ས་བཅུ་བགྲོད་ནས་སངས་རྒྱས་གནས།། བྱ་སྤྱོད
iiif viewer powered by OpenSeadragon
