| e-texts navigator |
| Wylie |
47a1 པའི།། ཆོས་དབྱིངས་ཆེན་པོ་དེ་ཁོ་ན།། དེ་ཉིད་ཁོ་ན་ངེས་པའི་གནས།། རྒྱལ་བ་རྣམས་ཀྱིས་རབ་ཏུ་གསུངས།། བཅུད་ཀྱི་རང་བཞིན་ཆོས་རྣམས་ནི།། སྟོན་པ་ཆོས་ཀྱི་མངའ་བ་རྫོགས།། བཅོམ་ལྡན
47a2 འདས་དེ་བཞིན་ཐམས་ཅད་དཔལ།། ཆེ་བའི་ཡོན་ཏན་ཐམས་ཅད་ལ།། དམས་པའི་སྤྱོད་པས་སྤྱོད་པ་ཡིས།། ཡེ་ཤེས་དེ་ཉིད་ཁོ་ན་ལ།། ཀུན་ནས་ཀུན་ཏུ་བཟང་པོ་ཡིན།། ཐམས་ཅད་ཆོས་སྐུར་སངས་རྒྱས་སོ།། ཞེས
47a3 གསུངས་སོ།། དེ་ནས་བཅོམ་ལྡན་འདས་ཀྱིས་ཆོས་ཐམས་ཅད་ལ་སྣང་བའི་ཡེ་ཤེས་མི་འགག་པར་ཤར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ།། ཐམས་ཅད་ཡེ་ནས་ས
47a4 ངས་རྒྱས་ཀྱང་།། མུན་པས་བསྒྲིབས་པས་དེ་མ་ཤེས།། སེམས་ཅན་རྒྱུ་ཡང་སངས་རྒྱས་ལ།། སངས་རྒྱས་རྒྱུ་ཡང་སེམས་ཅན་ཡིན།། རིག་པ་སྟོང་པ་ཆོས་སྐུ་ལ།། ཡེ་ཤེས་འོད་གསལ་ཆེན་པོ་གསལ།། དབྱིངས་དང
47a5 ཡེ་ཤེས་ཡབ་ཡུམ་སྦྱོར།། ཆོས་སྐུ་འོད་གསལ་གཉིས་ཀྱི་སྲས།། ལྷན་ཅིག་སྐྱེས་པའི་མ་རིག་པ།། འཇིག་རྟེན་རྒན་མོ་ལོང་མ་འདྲ།། ཀྱེ་ཧོ་ཀུ་ཀུ་ར་ཙ་ནི།། ཡིད་ཀྱིས་ཀུན་ཏུ་འཚོལ་བ་ནི།། མིན་པའི་དོན་ལ་ཡིན་པར
47a6 སེམས།། དེ་ལ་ངེས་པར་འཇོག་པ་དང་།། ལོག་པར་ཡང་དག་གཏན་ལ་འབེབས།། འཇིགས་དགྲས་ཐོ་ལ་མིར་འཛིན་འདྲ།། ལུས་ངག་ཡིད་ཀྱི་དགེ་སྤྱོད་པ།། མཐོ་རིས་གནས་སུ་སྐྱེ་བའི་རྒྱུ།། དེ་ནི་མི་ལྡན་སྡིག་ལ
iiif viewer powered by OpenSeadragon
