| e-texts navigator |
| Wylie |
45b1 སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། འོག་མིན་གྱི་གནས་ཁྱབ་གདལ་ཆེན་པོ། བདེ་བ་ཅན་དང་པདྨ་ཅན་དུ་གྲུབ་པ་མོས་པ་ཅན་དུ་སྣང་བར་བྱེད་པ་ན། དེ་བཞིན་གཤེགས
45b2 པ་ཐམས་ཅད་ཀྱིས་བཅོམ་ལྡན་འདས་དཔལ་ཀུན་ཏུ་བཟང་པོ་བླ་མེད་ཧེ་རུ་ཀ་དེ་ནི། ནམ་མཁའ་ཆེན་པོ་མི་གནས་པའི་ཡེ་ཤེས་ཡོངས་སུ་རྫོགས་པར་བྱེད་པའི་རྒྱལ་པོ་དང་། གང་ཡང་མ་འགགས་ཀུན་སྣང་ཆེན་པོ
45b3 དང་། མ་གསུངས་པ་གསུང་བའི་གསུང་བ་ཆེན་པོ་མཛད་པ་དང་། གསང་མཆོག་བདག་པོ་བླང་དོར་མེད་པའི་འདོད་པ་ཀུན་འབྱུང་བ་དང་། འཁོར་བ་འདྲེན་པའི་སངས་རྒྱས་ཆེན་པོ་སྣང་སྲིད་སྟོན་པའི་སྒྲོན་མ་དང་།
45b4 དུས་གསུམ་སོ་སོ་ཐ་མི་དད་དབྱེར་མེད་པར་ཡུམ་ཆེན་མོ་ཉིད་གཞི་མུ་ཁ་ལེ་དང་གཉིས་སུ་མེད་པར་བཞུགས་སོ།། དེ་དག་ཡོངས་སུ་འདུས་པ་ནི། ཡེ་ཤེས་ཉིད་ལས་མི་གཞན་པ། རྟག་པའི་རྒྱལ་མོ་ཆེན་མོ་ལྔ་དང་།
45b5 རིག་པ་སེམས་ལས་བསྐྱེད་པའི་ཁྲོ་མོ་བཅུ་གསུམ་དང་། ཡེ་ཤེས་འཁོར་དུ་བསྡུས་པ་རྗེ་མོ་བཅུ་བཞི་དང་། བྱིན་རླབ་དབང་དུ་བསྡུས་པ་སྨན་མོ་ཉི་ཤུ་རྩ་བདུན་དང་། གཞན་ཡང་ཡེ་ཤེས་ལས་གྲུབ་པ་དང་། ལས་ལས
45b6 གྲུབ་པ་དང་། ཞིང་ལས་སྐྱེས་པ་དང་། སྔགས་ལས་སྐྱེས་པ་དང་། དམ་ལ་གནས་པ་དང་།། བཀའ་ལ་བཏགས་པ་དང་། མོས་པས་འདུལ་བ་དུ་མ་དང་བཅས་པའོ།། དེ་ནས་བཅོམ་ལྡན་འདས་ཡུམ་གྱི་བྷ་ག་ལས
iiif viewer powered by OpenSeadragon
