| e-texts navigator |
| Wylie |
3b1 འགྱུར།། གཡུ་སྒོང་སྔོན་མོ་གནམ་དུ་ཡར།། ལྕགས་ཀྱི་སེར་བ་ཐབ་ཏུ་འབབ།། ཤེལ་དཀར་ནང་དུ་དུག་གིས་བཀང་།། ཟངས་སྒོང་དམར་པོ་ཟུར་དུ་འདྲིལ།། མི་བཟད་འབར་བ་ཀླད་ལ་བསྐོར།། མི་བཟད་འབར
3b2 བའི་ནད་ཟེར་འབྱུང་།། ཉི་མ་སྤྲིན་གྱི་ཤུགས་ཅན་འཁྲུགས།། ཚུབ་མ་དམར་པོ་ནམ་མཁར་འཕྱོ།། སེང་གེ་གངས་ཀྱི་སྟོད་ནས་ལྷུང་།། སྒོ་ནས་ཤེལ་གྱི་སྒོ་ང་ཡར།། ནམ་མཁའི་དཀྱིལ་ནས་སྤྲིན་ཆེན་རལ།། ས་ལ་བོང
3b3 བུའི་བཅུད་ཆེན་ཟགས།། བསེ་སྐོང་ཁྲ་བོ་རྒྱ་མཚོར་འབར།། ས་ལ་ལྕུག་ཕྲན་ཟོར་གྱི་འདེབས།། གཟའ་སྐར་འཁྲུག་པའི་ཆོ་འཕྲུལ་ནི།། ཟོ་བ་རྒྱན་གྱི་རྩེ་མོ་རུ།། ཟ་འོག་སྦུད་ལྷུབ་མིན་ནམ་པ་ཆགས་པ་ནི།། དེ་ལ
3b4 ལྟས་ངན་དགྲ་བཟློག་བྱ།། སྲིད་པ་མཚོ་བཞི་ལས། ལྟས་ངན་གྱི་དགྲ་ཇི་ལྟར་འབྱུང་བའི་ལེའུ་སྟེ་གཉིས་པའོ།། །། ཕྲ་མེན་རྒྱ་མཚོས་ཡང་གསོལ་པ།། བཅས་ཀྱི་རིམ་པ་ཅི་ལྟར་ལགས།། རྫོགས་སངས་རྒྱས་ལ
3b5 བདག་ཉན་འཚལ།། རྫོགས་སངས་རྒྱས་ཀྱི་བཀའ་སྩལ་པ།། ས་ཡི་འཁོར་ལོ་སྦྱངས་པ་ལ།། འོག་གཞི་རུས་སྦལ་ཁོག་པ་ལ།། གསེར་གྱི་འཁོར་ལོ་རྩིབས་བརྒྱད་ལ།། གླིང་བཞི་འཁོར་ཡུག་གླིང་ཕྲན་ལྡན།། མཐའ
3b6 མ་ལྕགས་རི་ནག་པོ་ལ།། རིན་ཆེན་སྣ་ལྔའི་གཅལ་བཀྲམ་སྟེ།། རྩིབས་བརྒྱད་སྟེང་དུ་ཀླུ་བརྒྱད་བྲི།། འབྲུ་སྣ་ལྔ་ཡི་ངར་ཕྱེ་ལ།། ཞབས་བརྒྱད་ཀླུ་བརྒྱད་བརྫིས་པར་བྱ།། ཞབས་ཀྱི་རྩེ་ནི་ཕྱི་རུ་བསྟན།། ཞབས
iiif viewer powered by OpenSeadragon
