| e-texts navigator |
| Wylie |
38a1 ངེས་པ་དུ་ཞིག་མཆིས།། དུས་ཞེས་བགྱི་བ་ཇི་ལྟ་བུ།། དུས་ལ་རྣམ་པ་དུ་ཞིག་མཆིས།། ཡང་དག་རྫོགས་ཀྱིས་བཀའ་སྩོལ་ཅིག། ཉོན་ཅིག་གཡུང་དྲུང་ཡང་དག་པ།། སྟོན་པ་རྣམ་གསུམ་རིག་པའི
38a2 གཏེར།། འཕོ་འགྱུར་མེད་པས་གནས་ཞེས་བྱ།། ཡང་དག་དོན་རྟོགས་དུས་ཞེས་བྱ།། གནོད་འདུལ་ལྷ་ཡིས་ཡང་གསོལ་པ།། ལྷ་ལ་རྣམ་པ་དུ་ཞིག་མཆིས།། འཁོར་ལ་རྣམ་པ་དུ་ཞིག་མཆིས།། ལུང་ལ་རྣམ་པ་དུ་ཞིག
38a3 མཆིས།། ཡང་དག་རྫོགས་ཀྱིས་བཀའ་སྩོལ་ཅིག། ཉོན་ཅིག་གཡུང་དྲུང་ཡང་དག་པ།། ལྷ་ལ་རྣམ་པ་གསུམ་དུ་བསྟན།། འཁོར་ལ་རྣམ་པ་གསུམ་དུ་བསྟན།། ལུང་ལ་རྣམ་པ་གསུམ་དུ་བསྟན།། གནོད་འདུལ་ལྷ་ཡིས
38a4 ཡང་གསོལ་པ།། རྒྱུད་ཅེས་བྱ་བ་ཇི་ལྟར་ལགས།། ལུང་ཞེས་བྱ་བ་ཇི་ལྟར་ལགས།། མན་ངག་བགྱི་བ་ཇི་ལྟར་ལགས།། ཉོན་ཅིག་གཡུང་དྲུང་ཡང་དག་པ།། རྒྱུད་ཅེས་བྱ་བ་འབྲེལ་པའི་དོན།། ལུང་ཞེས་བྱ་བ་སྟོན
38a5 པའི་བཀའ།། མན་ངག་བྱ་བ་ལ་བཟླའོ།། གནོད་འདུལ་ལྷ་ཡིས་ཡང་གསོལ་པ།། ཡུམ་གྱི་དབྱིངས་ཞེས་གང་ལ་བགྱི།། ཡབ་ཀྱི་མཁའ་ཞེས་གང་ལ་བགྱི།། འཁོར་བའི་གནས་འདི་མི་འཚལ་ན།། ཀློང་ཞེས་བྱ་བ་ཇི
38a6 ལྟ་བུ།། ཉོན་ཅིག་གཡུང་དྲུང་ཡང་དག་པ།། འདུ་འབྲལ་མེད་པ་ཡུམ་གྱི་དབྱིངས།། སྐྱེ་ཤི་མེད་པ་ཡབ་ཀྱི་མཁའ།། བླང་དོར་མེད་པ་བདེ་བའི་ཀློང་།། བདེ་བ་ཆེན་པོ་དོན་རྟོགས་ན།། བླང་དོར་མེད་པ་དེ་ཡིས
iiif viewer powered by OpenSeadragon
