| e-texts navigator |
| Wylie |
37b1 སྦྱིན་བཞི།། སྨན་ཕྲན་བཞི་ཡིས་བསྐོར་བ་རྣམས།། བཀའ་ཡི་གཏོར་མ་འདི་བཞེས་ལ།། ལས་ཀྱི་འབྲས་བུ་མཆིས་པར་མཛོད།། སྲིད་པའི་ཕྲ་མེན་རྒྱ་མཚོ་ལ་སོགས་པ་ལ།། སྲིད་པ་གསལ་བའི་དོན་དུ་གཏད
37b2 པའོ།། སྒྲུབ་མཆོག་རྣལ་འབྱོར་རྣམས་དང་འཕྲད་པར་ཤོག། སྲིད་པའི་བརྟན་མ་ལས་ཀྱི་རྒྱ་མཚོའོ།། སྲིད་པ་མཚོ་བཞིའི་ལེའུ་ཐ་མ་སྟེ་ཉི་ཤུ་རྩ་གཉིས་པའོ།། །། རྒྱུད་ཀྱི་རྒྱལ་པོ་ཆེན་པོ་སྲིད་པ་མཚོ་བཞིའི
37b3 རྒྱུད་ཅེས་བྱ་བ་རྫོགས་སོ།། །། བཅོམ་ལྡན་འདས་དཔལ་ཀུན་ཏུ་བཟང་མོ་ལ་ཕྱག་འཚལ་ལོ།། འདས་པའི་དུས་མ་བྱུང་བའི་སྔོན་རོལ་ན། སེམས་ཅན་ཐམས་ཅད་སེམས་མྱ་ངན་ལས་བཟླ་བ
37b4 དང་། ཐེ་ཚོམ་བཅད་པ་བཅད་པའི་ཕྱིར། རྡོ་རྗེ་སེམས་དཔས་གསོལ་པ། གནོད་འདུལ་ལྷ་ཡིས་ཡང་གསོལ་པ།། འཇིག་རྟེན་པ་ཡི་ཆོས་རྣམས་ལ།། སེམས་ཉིད་མྱ་ངན་ཇི་ལྟར་བཟླ།། རྟག་ཆད་མཐའ་ཉིད་གང་དུ
37b5 བསྡུ།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ཉག་གཅིག་ཡབ་ཀྱིས་བཀའ་སྩལ་པ།། སྣོད་ཀྱི་འཇིག་རྟེན་ཀུན་བཟང་ཟླ།། བཅུད་ཀྱི་འཇིག་རྟེན་སངས་རྒྱས་རྒྱུ།། ཕྱི་ནང་སྣོད
37b6 བཅུད་རྣམ་པར་དག། རྟག་ཆད་མཐའ་གཉིས་མྱ་ངན་འདས།། གནོད་འདུལ་ལྷ་ཡིས་ཡང་གསོལ་པ།། སྟོན་པ་རྣམ་གསུམ་གང་ལ་བགྱི།། སྡུད་པ་རྣམ་གསུམ་གང་ལ་བགྱི།། གནས་ཞེས་བགྱི་བ་ཇི་ལྟ་བུ།། གནས་ལ
iiif viewer powered by OpenSeadragon
