| e-texts navigator |
| Wylie |
364a1 ཏྲ་འཁོར་རྣམས་བསྡུས།། གིང་དང་བསེ་ཡི་སྐྱེ་ས་བསྟན།། བདུད་དང་གཤིན་རྗེའི་མ་རུ་ཙེ།། དེ་ལྟ་བུ་ཡི་འཁོར་ཚོགས་དང་།། རང་བཞིན་ཐབས་གཅིག་བཞུགས་པའི་ཚེ།། རང་བཞིན་འཁོར་ནི་ཤུགས
364a2 ཀྱིས་འདུལ།། ལས་ཀྱི་འཁོར་ནི་སྤྲུལ་པས་འདུལ།། སྲུང་བྱེད་འཁོར་ནི་ཐབས་ཀྱིས་འདུལ།། སྒྲོལ་བྱེད་འཁོར་ནི་མཛད་པས་འདུལ།། ཐབས་ཀྱི་འཁོར་ནི་རོལ་པས་འདུལ།། དེ་ཡི་འདུལ་ཐབས་འདི་ལྟ་སྟེ།། སྐྱེ་མེད་མི
364a3 གཡོ་ཆོས་ཀྱི་དབྱིངས།། རང་བཞིན་ཤུགས་ཀྱིས་འདུལ་ཐབས་སོ།། སྣང་སྲིད་རིག་པའི་ཆོ་འཕྲུལ་གྱིས།། སྙིགས་མའི་མ་མོ་འཇིག་པར་འགྱུར།། གཉིས་མེད་སྲས་ཀྱིས་རོལ་པ་ཡིས།། སྐུ་གསུང་ཐུགས་ཀྱི་མ་མོ
364a4 འཇིག། རིག་པ་གར་ཐབས་སྣ་ཚོགས་ཀྱི།། བཤན་པའི་དཔུང་རྣམས་འཇོམས་པའི་དཔལ།། མངོན་སྤྱོད་རིག་པའི་བརྟུལ་ཞུགས་ཀྱིས།། སྲིད་པའི་ཕོ་རྒྱུད་མཚན་མར་འཇོམས།། འདུལ་ཐབས་ལྔ་ལས་ཡེ་ཤེས
364a5 ཤར།། གསལ་ལ་མི་རྟོག་ཡེ་ཤེས་དང་།། མཉམ་ལ་མ་འདྲེས་ཡེ་ཤེས་དང་།། བྱེ་བྲག་འབྱེད་པའི་ཡེ་ཤེས་དང་།། ཕྲིན་ལས་རྫོགས་པའི་ཡེ་ཤེས་དང་།། ལྷུན་གྱིས་གྲུབ་པའི་ཡེ་ཤེས་དང་།། འཁོར་ལས་འཕྲུལ་པ་འདི་ལྟ
364a6 སྟེ།། དང་པོ་ལྷ་དང་གཉིས་པ་མི།། གསུམ་པ་ཡི་དྭགས་ཡིན་པ་སྟེ།། བཞི་པ་བྱོལ་སོང་གནས་རིགས་ལ།། ལྔ་པ་དམྱལ་བའི་འཁྲུལ་འཁོར་ལའོ།། རྟོགས་པའི་ས་རྣམས་འདི་ལྟ་སྟེ།། ཐ་མ་བསྒྲལ་བས་དང་པོ་སྟེ།། ཀུན་ཏུ
iiif viewer powered by OpenSeadragon
