| e-texts navigator |
| Wylie |
363a1 བཞི་མཚམས་བརྒྱད་སྟེང་འོག་ཟླ་གམ་དཀྱིལ་འཁོར་ནས།། གྲུབ་པའི་མ་བརྒྱད་དབང་མཆོག་ཁྱོད་ལ་སྦྱིན།། འབར་བའི་བར་ཁྱམས་བརྒྱད་ཀྱི་དཀྱིལ་འཁོར་ནས།། ཡང་སྦྲུལ་བརྒྱད་ཀྱི་དབང་མཆོག་ཁྱོད
363a2 ལ་སྦྱིན།། སྒོ་བཞི་རྡོ་རྗེའི་བྲག་གི་དཀྱིལ་འཁོར་ནས།། འཇུག་པའི་སྒོ་བཞིའི་དབང་མཆོག་ཁྱོད་ལ་སྦྱིན།། ཕྲ་མེན་སྦྱང་ཀི་ལས་ཀྱི་རྒྱལ་མོའི་རྒྱུད་ལས། དབང་བསྐུར་བའི་ལེའུ་སྟེ་ཉི་ཤུ་རྩ་བཞི་པའོ།། །། དེ་ནས
363a3 དཀྱིལ་འཁོར་བསྡུའོ།། རྫོགས་སོ།། །། དཔལ་ཆེན་མཆོག་ཧེ་རུ་ཀ་ལ་ཕྱག་འཚལ་ལོ།། འདས་དང་མ་བྱོན་དུས་ཉིད་ན།། ལྕང་ལོ་ཅན་གྱི་ཕོ་བྲང་དུ།། འཇིགས་བྱེད་ཆེན་པོའི་སྐུ་ཅིར་ཡང་སྣང་བ་གནོད
363a4 སྦྱིན་འདུལ་བའི་རྩེ་ལ། དུར་ཁྲོད་ཀྱི་རྒྱན་སྣ་ཚོགས་དང་ལྡན་ཏེ། ཡེ་ཤེས་དགུའི་དབུ་དང་། སྟོང་པ་བཅོ་བརྒྱད་ཀྱི་ཕྱག་དང་། ཐར་པ་བརྒྱད་ཀྱི་ཞབས་སུ་ལྡན་ཏེ། གྱད་དང་བརྗིད་པའི་ཚུལ་དུ་བཞུགས་སོ།། གནོད་སྦྱིན
363a5 ལྷའི་འདུན་ས་ཕྱི་ཤོའི་འཁོར་ལ། བཀའ་སྡོད་ཆེན་པོ། རྒྱ་གྲམ་འབར་བའི་གདན་ལ་མི་འཇིགས་པ་གསུམ་དང་བཅས་ནས། མི་ལྗོན་པར་རྟོག་པའི་ཚུལ་གྱིས། བསྡུ་བ་ཆེན་པོ་གཞན་དོན་དུ་མཛད་པའོ།། མཁའ་ལྔ
363a6 དབུས་ཀྱི་གཏིང་ཁུང་དུ་བསྡུས་ཏེ། འབར་བའི་རྭ་ལྔ་ལ། མུ་ཏིག་འབར་བས་འདྲིལ་བ། རླུང་ནག་ཟླ་གམ་ལ། སྨིན་པ་ཆེན་པོས་བརྒྱན་པ་ཁྱམས་བཞི་འཁོར་ལོའི་ཚུལ་དུ་དབྱིངས་སུ་དྲིལ་བ། སྤངས་པ་ཐམས་ཅད་ཀྱི་ཕོ
iiif viewer powered by OpenSeadragon
