| e-texts navigator |
| Wylie |
362b1 གཡོན་པ་ན་ཞིང་གི་ལུས་འཛིན་པ་ནི་མཚན་མའི་བེམ་པོ་ཡིན་ལ། གཡས་ཀྱིས་མགོ་གཅོད་པའོ།། སེང་ཧ་མུ་ཁཱ་སེང་གེའི་མགོ་ཅན། བྷ་གྣི་མུ་ཁ་སྟག་གི་མགོ་ཅན། བཛྲ་སྲི་ལ་མུ་ཁ་ཝའི་མགོ་ཅན། ཤྲ་ན་མུ་ཁ་སྦྱང་ཀའི
362b2 མགོ་ཅན། བཛྲ་ཀྲི་ཏ་མུ་ཁ་བྱ་རྒོད་མགོ་ཅན། བཛྲ་ཀངྐ་མུ་ཁ་དུར་བྱའི་མགོ་ཅན། བཛྲ་ཀ་ཀ་མུ་ཁ་བྱ་རོག་གི་མགོ་ཅན། བཛྲ་ཨུ་ལ་ཀ་མུ་ལ་ཁ་འུག་པའི་མགོ་ཅན། ཕྲ་མེན་ལས་ཀྱི་རྒྱལ་མོའི་རྒྱུད་ལས། རྟོག་པ་བཤད
362b3 པའི་ལེའུ་སྟེ་རྩ་གཉིས་པའོ།། །། དེ་ནས་ཕྲ་མེན་རྣམས་ལ་དངོས་གྲུབ་བླང་བ་ནི། དཀྱིལ་འཁོར་ཐམས་ཅད་ཟླ་གམ་དུ་བསྒྱུར་ལ་འདི་སྐད་དོ།། དཔལ་ཆེན་ཡབ་ཡུམ་དཀྱིལ་འཁོར་ནས།། ཐབས་དང་ཤེས་རབ
362b4 དངོས་གྲུབ་སྩོལ།། སྨུག་ནག་འབར་བའི་མེ་རི་ལས།། རྣམ་ཤེས་བརྒྱད་ཀྱི་དངོས་གྲུབ་སྩོལ།། དུར་ཁྲོད་འབར་བའི་མེ་རི་ལས།། དྲག་ཤུལ་མཐུ་བརྒྱད་དངོས་གྲུབ་སྩོལ།། ཚད་མེད་སྒོ་བཞིའི་དཀྱིལ་འཁོར་ནས།། ཕྲིན
362b5 ལས་རྣམ་བཞིའི་དངོས་གྲུབ་སྩོལ།། ཞེས་བརྗོད་ལ་གསང་བའི་རྫས་དང་བཅས་སྤྱད་དོ།། ཕྲ་མེན་སྦྱང་ཀི་ལས་ཀྱི་རྒྱལ་མོའི་རྒྱུད་ལས། དངོས་གྲུབ་བླང་བའི་ལེའུ་སྟེ་རྩ་གསུམ་པའོ།། །། དེ་ནས་དཀྱིལ་འཁོར་དེ
362b6 ཉིད་དུ་དབང་བསྐུར་བ་ནི། སྒྲུབ་པའི་རྫས་ཐམས་ཅད་ཀྱིས་སློབ་མ་རྣམས་ཀྱི་སྤྱི་བོ་ནས་དབང་བསྐུར་རོ།། ཧཱུཾ་མེ་རི་སྨུག་ནག་འབར་བའི་དཀྱིལ་འཁོར་ནས།། དཔལ་ཆེན་ཡབ་ཡུམ་དབང་མཆོག་ཁྱོད་ལ་སྦྱིན།། ཕྱོགས
iiif viewer powered by OpenSeadragon
