| e-texts navigator |
| Wylie |
362a1 བཞིས་མ་ལུས་སྒྲོལ་མཛད་པ།། དེད་དཔོན་ཁྱེད་ཉིད་ཐལ་བྱེད་དྲིལ་བུ་མ།། ཞེས་བསྐུལ་ལོ།། ཕྲ་མེན་སྦྱང་ཀི་ལས་ཀྱི་རྒྱལ་མོའི་རྒྱུད་ལས། ཕྲིན་ལས་བསྐུལ་བའི་ལེའུ་སྟེ་ཉི་ཤུ་ཐམ་པའོ།། །། དེ་ནས
362a2 ཕྲ་མེན་མ་འདི་རྣམས་ལ་རྩིས་འགྲོ་རྣམ་པ་བདུན་གྱིས་སྟོན་ཏེ། དེ་ཡང་གང་ཞེ་ན། དགྱེས་པ་སྐྱེད་པ་དང་། མཉེས་པ་སྟོབས་པ་དང་། རྒྱུ་ལ་རོལ་པ་དང་། འབྲས་བུར་གྲུབ་པ་དང་། ཟ་བྱེད་ཀྱི་ཚོགས་དང་། མགྱོགས
362a3 བྱེད་ཀྱི་ཚོགས་དང་། འཇིགས་བྱེད་ཀྱི་ཚོགས་དང་བདུན་ནོ།། ཕྲ་མེན་སྤྱང་ཀི་ལས་ཀྱི་རྒྱལ་མོའི་རྒྱུད་ལས། དོན་གྱི་ཉིང་ཁུའི་ལེའུ་སྟེ་ཉི་ཤུ་གཅིག་པའོ།། །། དེ་ནས་བཛྲ་ཀོའུ་རཱི་མ་ཁ་དོག་སྔོན་པོར་བསྟན་པ་ནི།
362a4 ཕྲིན་ལས་ཞི་བའི་རང་བཞིན་གྱིས།། སེམས་ཅན་གྱི་དོན་བྱེད་པ་ཡིན་ལ། ཙཽ་རཱི་མ་ཁ་དོག་སེར་པོར་བསྟན་པ་ནི།། ཕྲིན་ལས་རྒྱས་པའི་རང་བཞིན་གྱིས་སེམས་ཅན་གྱི་དོན་བྱེད་པ་ཡིན་ལ། པྲ་མོ་ཧཱ་སྐུ་མདོག་དམར་པོར
362a5 བསྟན་པ་ནི། ཕྲིན་ལས་དབང་གི་རང་བཞིན་གྱིས་སེམས་ཅན་གྱི་དོན་བྱེད་པ་ཡིན་ལ། བཛྲ་བཻ་ཏ་ལཱི་སྐུ་མདོག་ནག་མོ་བསྟན་པ་ནི། ཕྲིན་ལས་དྲག་པོའི་རང་བཞིན་གྱིས་སེམས་ཅན་གྱི་དོན་བྱེད་པ་ཡིན་ལ། བཛྲ་པུཀྐ་སཱི
362a6 ཁ་དོག་དམར་སེར་དུ་བསྟན་པ་ནི་ཕྲིན་ལས་དབང་རྒྱས་རང་བཞིན་གྱིས་སེམས་ཅན་གྱི་དོན་བྱེད་པ་ཡིན་ནོ།། བཛྲ་གྷས་མ་རཱི་ཕྱག་ན་བྷནྡྷ་རཀྟ་དམར་གྱིས་བཀང་ནས་རྡོ་རྗེས་དཀྲུག་ཅིང་གསོལ་བའོ།། བཛྲ་ཙཎྜ་ལཱི་ཕྱག
iiif viewer powered by OpenSeadragon
