| e-texts navigator |
| Wylie |
358b1 ཤིང་རྫས་བསྟབ་ཅིང་བཏང་ངོ་།། སྒྲུབ་པ་དང་བསྙེན་པ་བྱེད་ན། ཉམས་ཉེ་བར་ལེན་དུ་འོང་ངོ་།། དངོས་གྲུབ་འཕྲོག་ཏུ་འོང་ངོ་།། ལས་གཉེར་ཡང་ཉི་མ་ནུབ་ཁ་ནམ་གུང་ལ་གཏད་དོ།། ཙོའུ་རཱི་མ་ནི་གཤིན་རྗེའི་བུ་མོ
358b2 རལ་གཅིག་མ་ཞེས་བྱ་བ་ལ་ཞོན་ནས་སྲོད་ལ་འོང་ངོ་།། རྦད་པ་དང་ལས་གཉེར་གཏད་པ་ཡང་སྲོད་ལ་བྱའོ།། ཉམས་ཉེ་བར་ལེན་ཅིང་མཆོད་ལྔ་ཐབས་སུ་འཇུག་གོ། པྲ་མོ་ཧའི་དུས་ནི་ནམ་གུང་དང་ཉི་མ་གུང་ལ་འོང
358b3 ངོངོ།། རྦད་པ་དང་ལས་གཉེར་གཏད་པ་ཡང་ཉི་མ་གུང་དང་ནམ་གུང་ལ་བྱའོ།། བཻ་ཏ་ལིའི་དུས་ནི་ཉི་མ་ནུབ་ཀ་དང་ནམ་ཕྱེད་ཡོལ་ན་རྒྱུའོ།། རྦད་པ་དང་ལས་གཉེར་གཏད་པ་ཡང་དུས་དེར་བྱའོ།། པུ་ཀྐ་སཱིའི་དུས་ནི་ཉི་མ
358b4 ཤར་ཀ་དང་ནམ་ཕྱེད་ན་རྒྱུའོ།། རྦད་པ་དང་ལས་གཉེར་གཏད་པ་ཡང་ཉི་མ་ཤར་ཀ་དང་ནམ་གུང་ལ་བྱའོ།། གྷས་མ་རཱིའི་དུས་ནི་ནམ་ཕྱེད་ཡོལ་ལ་རྒྱུའོ།། རྦད་པ་དང་ལས་གཉེར་གཏད་པ་ཡང་ནམ་ཕྱེད་ཡོལ་ན།
358b5 བྱའོ།། ཙཎྜ་ལཱིའི་དུས་ན་སྐྱ་རེངས་དང་པོ་ཤར་ཙ་ན་རྒྱུའོ།། རྦད་པ་དང་ལས་གཉེར་གཏད་པ་ཡང་སྐྱ་རེངས་ཤར་ཙ་ན་བྱའོ།། ནམ་རྒྱུ་བའི་དུས་ཚོད་དེར་ལས་བཅོལ་ཞིང་སྲོག་གི་སྙིང་པོ་ནས་དྲང་ངོ་།། ལས་གཉེར་གཏད
358b6 པའི་ལེའུ་སྟེ་བཅུ་དྲུག་པའོ།། །། དེ་ནས་མགོ་བརྙན་རྣམས་ཀྱི་མ་མོ་རྦད་ཅིང་ལས་བཅོལ་བ་ནི། མགོ་བརྙན་མའི་ཕོ་ཉ་འགྱེད་ཅིང་རྦད། ལས་གཉེར་གཏད་པར་སྲོག་གི་སྙིང་པོ་ནས་བརྒྱ་རྩ་བརྒྱད་བཟླས
iiif viewer powered by OpenSeadragon
