| e-texts navigator |
| Wylie |
356b1 བཅོལ་ཞིང་དགྲ་བོ་གཏད་དོ།། དེ་ནས་གནན་པ་བྱ་བ་ནི། ཁྲོ་མོ་ཀོའུ་རཱི་མ་བསྒོམ་ལ་བྱ་ངར་ངུར་གྱི་སྒོ་ངའམ་བྱ་ནག་མོའི་སྒོ་ངའི་ནང་། གནག་པའི་མཚན་བྱང་བྲིས་ལ། རཀྟ་སྣ་གསུམ་གྱི་ཨརྒྷཾ་སྦྲེངས་ཤ་ཁྲག་གི་མཆོད
356b2 པ་འབུལ་ལོ།། དེ་ནས་བསྐལ་ཞིང་དགྲ་བོའི་མིང་བྱང་ལ་བསྟབ་པ་བགྱི། དེ་ནས་སྙིང་པོ་འདི་ཁྲིའམ་འབུམ་བཟླས་སོ།། ཏེ་ན་ཏེ་མཱ་ར་ཡ་ཛ། ཞེས་པ་ཡིད་ལ་བཟླས་སོ།། ཉུང་དཀར་རམ་སྐེ་ཚེ་ལ་སྔགས་ཟླས་ཏེ་མིང་བྱང
356b3 ངམ་གཟུགས་ལ་བསྣུན་ལ། མཆོག་གི་གླིང་བུ་འབུད་ལ་གཏོར་མ་ནི་ཆུའི་གཞུང་ངམ་ས་གཙང་སར་བསྐྱལ་ལོ།། མིང་བྱང་ལ་གཟེར་མནན་དྲག་ཏུ་བགྱི། ཞིང་ཆེན་གྱི་གཡང་གཞི་ལན་གསུམ་དུ་བརྡབ་ལ། གང་ལ་བྱ་བ
356b4 ལ་ལས་བཅོལ་ལོ། དེ་ནས་མོན་གྱི་བྷནྡྷ་སྐམ་རློན་ཁ་སྦྱར་བའམ་རྟ་དང་གཡག་གི་ཐོད་པ་སྦྱར་བའི་ནང་དུ་དགྲ་བོའི་མིང་བྱང་བཅུག་པ་ལ། ཐོད་པ་ཁ་སྦྱོར་ལ་སྔོན་དམར་གྱིས་བཅིངས་ལ།། སེར་ཕྲོམ་དང་། སྨུག་རྐང
356b5 དང་། ལྡོང་རོས་དང་། པྲི་ཡང་ཀུ་དང་། འདི་རྣམས་ཞག་ཏུ་སྦྲུས་ཏེ་རིལ་བུ་བརྒྱའམ་སྟོང་རྩ་བརྒྱད་བྱས་ཏེ། རིལ་བུ་རེ་རེ་ལའང་སྔགས་བརྒྱ་རྩ་བརྒྱད་བཟླས་ཤིང་ཐོད་པ་ལ་གདབ་བོ།། དེ་ཡི་སྔགས་ལ། ན་མོ་པུ་རི་བཛྲ
356b6 ཙ་ཀ་ནན། ཙག་ཀ་ཤག་ཅེས་ཡིད་ལ་བཟླས་སོ།། རིལ་བུ་རེ་རེ་ལ་སྔགས་བརྒྱ་རྩ་བརྒྱད་དམ་སྟོང་རྩ་བརྒྱད་ཚང་བ་དང་རྫས་དེ་ཉིད་ལམ་པོ་ཆེའི་གཞི་མདོའམ་བྲག་དང་ཆུ་འཐབས་པའི་སར་ས་ཆག་གང་བརྐོས་ལ། དེ
iiif viewer powered by OpenSeadragon
