| e-texts navigator |
| Wylie |
353b1 འཁོར་བྱུང་བ་ནི།། སྒྲུབ་པའི་གནས་རྣམས་བརྟག་པ་དང་།། ས་གཞི་བརྟག་པ་གཞུང་བཞིན་བྱ།། དེ་ནས་དཀྱིལ་འཁོར་གཏན་ལ་དབབ་པར་བྱ་སྟེ། དཀྱིལ་འཁོར་གྲུ་གསུམ་ལ། དབུས་སུ་དོང་ཆག་གང་བྲུས། ནང་སོལ
353b2 བས་བཀང་ལ་བཞག་གོ། དེའི་ཕྱི་རིམ་དུ་རྟ་ཁྲག་དང་མི་ཁྲག་སྐམ་པོ་བསྲེས་པ་ལ་མཎྜལ་གྲུ་གསུམ་བྱས་ལ་བཞག་གོ།། དེའི་ཕྱི་རིམ་དུ་མཐིང་ནག་གྲུ་གསུམ་དུ་བྱས་ལ་བཞག་གོ། དེ་ནས་སྒྲུབ་པའི་རྫས་ལ་དབུས་སུ
353b3 བྱིས་པའི་སྙིང་བཞག་སྟེ། ཀོའུ་རཱི་མའི་རྫས་སོ།། ཙོའུ་རཱི་མའི་རྫས་སུ་སྟག་གི་སྙིང་བཞག་གོ། པྲ་མོ་ཧའི་རྫས་སུ་ཝའི་སྙིང་བཞག་གོ། བེ་ཏཱ་ལིའི་རྫས་སུ་ཁྱི་ཡི་སྙིང་བཞག་གོ། པུཀྐ་སཱིའི་རྫས་སུ་བྱ་དཀར་པོའི་སྙིང་བཞག
353b4 གོ། གྷསྨ་རཱིའི་རྫས་སུ་བྱ་ནག་མོའི་སྙིང་བཞག། ཙཎྜ་ལཱིའི་རྫས་སུ་འུག་པའི་སྙིང་བཞག། ཤ་ཆེན་ཀུན་གྱི་རྫས་ཡིན། ཚིལ་ཆེན་གྱི་མར་མེ་ཡང་བཏང་། དེ་ནས་དྲོད་ཚད་བརྟགས་ཏེ། སྙིང་མི་དགའ་ལ་ཉམས་མི་བདེ་ན།།
353b5 སྒྲིབ་པ་ཡོད་པས་བསྐང་བཤགས་བྱ། ངུ་སྙིང་འདོད་ལ་མི་དགའ་ན་ཐུགས་དམ་མ་བསྐང་བས་མཆོད་པ་བསྟབ་བོ། ཁྲོ་སྙིང་འདོད་ན་དབང་དུ་མ་འདུས་པས་བསྒོམ་པར་བྱའོ།། ཁྱོ་གའི་ཆོ་འཕྲུལ་ཆེན་དབང་དུ་མ་འདུས
353b6 པས། ཏིང་ངེ་འཛིན་གསལ་བར་བྱས་ནས་སྔགས་བཟླས་སོ།། བུད་མེད་ཀྱི་ཆོ་འཕྲུལ་ཆེན་ཕུར་པ་གདབ་བོ།། ཆོ་འཕྲུལ་ཆུང་ལ་གླ་ལ་འདོད་ན་མི་རུང་བས་བསྟབ་པ་བྱ། བུད་མེད་མདོག་ངན་པ་དང་འཕྲད་ན་ངན་ཏེ་སྒྲིབ
iiif viewer powered by OpenSeadragon
