| e-texts navigator |
| Wylie |
352b1 སྦས་ན་གྲུབ་ངེས་སོ།། གཤེད་དགྱེས་པའི་ལེའུ་ཞེས་བྱ་སྟེ་བཅུ་གཅིག་པའོ།། །། དེ་ནས་མ་མོ་ལས་བྱེད་དུ་མ་འདོད་ན། མ་མོའི་ཤི་ས་བསྟན་པ་ནི། དུག་སྣ་ལྔ་ཡི་གཏོར་མ་བཤམ་ལ་གཡས་སུ་བཞག། སྨན་ལྔ་ཡི
352b2 གཏོར་མ་བཤམ་ལ་གཡོན་དུ་བཞག། མ་མོའི་རྫས་རྔ་བརྡུངས་ཤིང་མཆི་མ་དབྱུང་། རྫས་ལྔ་བརྡུངས་ལ་བསྔགས་བཏབ་ཀྱང་ཤི་ས་བསྟན་ཏེ། མ་མོ་རྣམས་ཀྱི་ཤི་ས་ནི། སྲིན་པོའི་ཡུལ་ལངྐ་པུ་རང་ཡིན་ནོ།། ཤི་བའི་དུར་ཡང
352b3 ལངྒ་པུ་རང་ཡིན་ནོ།། མ་མོ་རྣམས་བཀའ་ལས་འདས་ན། དཔལ་ཆེན་པོ་ཡཀྵ་ཧེ་རུ་ཀ་སྐུ་ཁྲོས་ནས། འོད་ཟེར་དམར་སྨུག་གི་ནང་དུ་སྲེག་པར་མཛད་པའོ།། དེ་བས་སྒྲུབ་པོས་ཀྱང་དཔལ་ཆེན་པོའི་སྐུར་བསྒོམ་ལ།
352b4 གསད་པའི་ལས་བྱའོ།། དུག་གིས་གཏོར་མ་ལས་བསྒྲེངས་ཤིང་སྙིང་པོ་ཡང་བརྗོད་དོ།། དུག་གི་གཏོར་མས་མ་མོ་ལ་བརྡེག་གོ། ཕྲ་མེན་མ་རྣམས་ལ་ཡང་བརྡེག་གོ། ལྷ་མོ་བཞི་ལ་ཡང་བརྡེག་ལ་ལས་བྱེད་དུ་གཞུག
352b5 གོ། ལས་བྱེད་དུ་མ་འདོད་ན། ཡཀྵ་ཧེ་རུ་ཀའི་སྐུར་བསྒོམ་ལ་སྲོག་གི་སྙིང་པོ་ནས་དྲངས་ཤིང་ཞིང་གི་གཡབ་མོས་བརྡུང་ངོ་།། ཀོའུ་རི་ནག་མོ་ཛ། ཞེས་བརྡུང་ངོ་།། ཤི་ས་བསྟན་པའི་ལེའུ་སྟེ་བཅུ་གཉིས་པའོ།། །། དེ
352b6 ནས་གསོ་བ་དང་སྐོང་བ་ནི། སྨན་སྣ་ལྔའི་གཏོར་མ་དང་བྱ་ནག་མོ་དང་། སྙིང་སྣ་བརྒྱད་ཀྱིས་ཐུགས་དམ་བསྐང་ངོ་།། དེ་ནས་ཀོ་རཱི་མ་ཁྱི་དཀར་མོའི་སྙིང་གིས་བསྐང་། ཙཽ་རཱི་མ་སྲེ་མོའི་སྙིང་གིས་བསྐང་། པྲ་མོ་ཧ་ཝའི
iiif viewer powered by OpenSeadragon
