| e-texts navigator |
| Wylie |
350b1 པ་ནི། བེ་ཏཱ་ལི་གིང་ད་ར་ཞེས་བརྗོད་པས། བེ་ཏཱ་ལི་སྐུ་མདོག་མཐིང་ནག་ལ་རལ་ནག་འཕྱར་བ། སྤྱན་གསུམ་ཁྲོ་གཉེར་ཅན། རལ་པ་ལུས་ལ་གོས་སུ་གོན་པ། ལག་ན་གནོད་བྱེད་ཀྱི་དབྱུག་པ་ཐོགས་པ། གནོད་སྦྱིན་གྱི
350b2 མ་མོ་ཨ་ཡང་ནག་མོ་ཞེས་བྱ་བ་ལ་ཞོན་ནས་འོང་བར་བསྒོམ་མོ།། དེ་ལྟར་བསྒོམ་ན་སྲིད་པ་གསུམ་དབང་དུ་སྡུད་པ་དང་། གནོད་སྦྱིན་གྱི་མ་མོ་དང་། དཔལ་ཧེ་རུ་ཀ་ཡང་ཉམས་ཤིང་འབོག་པར་བྱེད་དོ།། དེ་ནས
350b3 པུཀྐ་སཱི་བསྒོམ་པ་ནི། པུཀྐ་སི་དྷ་ར་ཞེས་བརྗོད་པས། པུཀྐ་སཱི་སྐུ་མདོག་དམར་ནག་ལ་དབུ་བཞི་པ། རལ་པ་ལྗང་ནག་གཡས་ནས་གཡོན་དུ་འཁྱིལ་བ། མཆེ་བ་གཙིགས་པ་སྤུ་གྲིས་གཏམས་པ། མི་བཟད་སྲིན་པོའི་མགོ
350b4 བོའི་དུང་འབུད་པ། མ་མོ་ནག་མོ་དོམ་སྙིལ་མ་ཞེས་བྱ་བ་ལ་ཞོན་ནས་འོང་བར་བསྒོམ་མོ།། དེ་ལྟར་བསྒོམ་ན་སྲིད་པའི་མ་མོ་དང་། དཔལ་ཧེ་རུ་ཀ་ཡང་དབང་དུ་སྡུད་ཅིང་འབྲལ་བར་བྱེད་དོ།། དེ་ནས་གྷསྨ་རཱི་བསྒོམ་པ
350b5 ནི། ཧ་གྷསྨ་རཱི་བི་ལོ་ཀ་ད་ར་ཞེས་བརྗོད་པས། གྷསྨ་རཱི་སྐུ་མདོག་མཐིང་ནག་ལ། གཅེར་བུ་རལ་པ་ཅན་དུ་འདུག་པ། ཞལ་གཅིག་པ་མཆེ་བ་གཙིགས་པ་ལག་ན་སྲིད་པའི་དུང་འབུད་པ། མ་མོ་སྲིན་མོ་མིག་མེད་ལ་ཞོན
350b6 ནས་འོང་བར་བསྒོམ་མོ།། དེ་ལྟར་བསྒོམ་ན་མ་མོ་ཐམས་ཅད་དང་། དཔལ་ཧེ་རུ་ཀ་ཡང་སྤྲོ་བར་བྱེད་དོ།། དེ་ནས་ཙཎྜ་ལི་བསྒོམ་པ་ནི། ཧ་ཙཎྜ་ལི་མནྡ་ར་ཞེས་བརྗོད་པས། སྐུ་མདོག་སེར་ལྗང་ཞལ་བཞི་ལ་རལ་པ་ནག
iiif viewer powered by OpenSeadragon
