| e-texts navigator |
| Wylie |
34b1 ནི།། ཕག་གི་མགོ་ཅན་ལྟ་བུར་བྱ།། འབྲང་རྒྱས་གྲུ་བཞི་པ་གཅིག་ལ།། ཀླུ་རྒྱལ་བདུན་གྱི་གཟུགས་སུ་བྱ།། གོང་དང་འདྲ་བའི་གཟུགས་གཅིག་ལ།། ནེའུ་ལེ་ཐོགས་པ་གཅིག་ཏུ་བྱ།། གླིང་བཞི་ལྡན་པའི་འབྲང་རྒྱས
34b2 ལ།། རྒྱལ་ཆེན་བཞི་ཡི་གཟུགས་སུ་བྱ།། ཐོད་པ་མཚན་ངན་ནང་དུ་ནི།། ར་ཁྱིའི་ཁྲག་དང་འབྲུ་ནག་ཆན།། སྨེ་བཞི་རྒྱན་དང་ལྡན་པར་བྱ།། འབྲང་རྒྱས་ཟླ་གམ་ཁ་ཅིག་ལ།། ཟ་འོག་མདའ་ལ་བསེ་གླུད་ལྡན།། བྲེ
34b3 ཆག་སད་ཕྱེ་བྲེ་བཞི་ལ།། ལྕོག་མོ་བྷན་དྷའི་གཟུགས་བྱས་ལ།། མཁར་ཐབས་མདའ་ཡིས་རྣམ་པར་བརྒྱན།། ཞིང་གི་འཕན་གྱིས་རྣམ་པར་བརྒྱན།། སྤྱན་གཟིགས་ཟས་དང་ལྡན་པ་འདི།། དེ་ནི་ཕོ་རིགས་སྤྱི་ཡི
34b4 རྫས།། ཧཱུཾ། རི་རབ་གཡུ་ཡི་བུམ་པ་ལ།། ཆགས་པའི་ལོངས་སྤྱོད་སྤྱད་པས་གྲོལ།། ཤེལ་དཀར་མཛེས་པའི་སྐྲག་པ་ལ།། གཡུ་ཡི་ཐིག་ཕྲན་འབར་བ་ཅན།། དབུ་ལ་ཉི་མའི་ཕྲེང་བས་བརྒྱན།། ཕྱག་ན་གསེར་གྱི་ཕྲེང
34b5 བ་ཐོགས།། ཡུམ་དང་གཉིས་སུ་མེད་པ་སྟེ།། སྲིད་པ་ཀུན་ལ་ལོངས་སྤྱོད་མཛད།། འདིར་བྱོན་ཚེ་སྲོག་གླུད་ལོངས་ཤིག། སྲིད་པ་དེ་ཡི་བཀའ་ཉན་ནི།། ཕ་མ་མེད་པོའི་ངང་ལས་སྦྲུལ།། སྐུ་ནི་གངས་རི་འཚེར་བ
34b6 ལ།། དུང་གི་རལ་པ་ཐོར་ཚུགས་འཁྱིལ།། སྲིད་པ་གསུམ་གྱི་བྱད་མཁན་དེ།། འདིར་བྱོན་ཚེ་སྲོག་གླུད་བཞེས་ཤིག། སྲིད་པ་དེ་ཡི་བཀའ་ཉན་ནི།། འོད་ཀྱི་རྫུ་འཕྲུལ་ལས་སྤྲུལ་པ།། རིན་ཆེན་འབར་བའི་ན་བཟའ
iiif viewer powered by OpenSeadragon
