| e-texts navigator |
| Wylie |
349b1 བཞུགས་ལ་ལམ་བསྣོལ་མའི་ཁར་སྦའོ།། དེ་ནས་བྷནྡྷའི་ནང་དུ་ཞིང་ཆེན་གྱི་རཀྟས་བཀང་ལ་སྙིང་པོ་བཟླས་ནས་གྲོང་ལ་གཏོར་རོ།། དཀྱིལ་འཁོར་གྱི་ལྷ་གྲངས་ཚང་བར་བསྐུལ་ལོ།། གཟུགས་སྨྲས་པར་བྱ་བའི་སྔགས
349b2 ལ། དཀྱིལ་འཁོར་གྱི་ཕྱོགས་བཞིར་ཡང་སྲིན་མོ་བདུན་གྱི་སྐུ་གཟུགས་གཟུག་གོ། དམ་རྫས་ཀྱང་ཕྱོགས་མ་ནོར་བར་དགྲམ་མོ།། དེ་ནས་ཉམས་པ་རྟག་པ་ནི། རྨི་ལམ་ནི་བུད་མེད་བཟང་པོ་དང་འཕྲད་ན་བཟང
349b3 ངོ་།། བུད་མེད་ངན་ན་སྒྲིབ་པ་སྦྱང་ཞིང་བཤགས་པ་བྱའོ།། སྙིང་མི་དགའ་ཉམས་མི་བདེ་ན། སྒྲིབ་པའི་ཤས་ཡོད་པས་བཤགས་པ་བྱའོ།། ངུ་འབོད་ལ་སྙིང་མི་དགའ་ན་མཆོད་པ་བྱའོ།། ཉམས་དགའ་ལ་བརྗིད་ཆེན
349b4 བཀའ་ཉན་པར་འོང་། རང་གི་ཆུང་མ་དང་འཕྲད་པའམ་ཁྲོ་ཞིང་མ་བཏུད་ན་དབང་དུ་མ་འདུས་པ་ཡིན་པས་བསྒོམ་པར་བྱའོ།། གང་འདོད་པའི་སྔགས་བཟླས་པར་བྱའོ།། ཆོ་འཕྲུལ་ཆུང་ལ་རང་དམན་ན་རང་ལ་རྐྱེན
349b5 འོང་། ཆོ་འཕྲུལ་ཆུང་ལ་བུད་མེད་དང་མ་འཕྲད་ན་མ་མོ་གཡེལ་བ་ཡིན་པས། དུང་གི་ནང་དུ་སྙིང་པོ་བྲིས་ལ་ཤིང་བྲིག་ཤའི་ལྕགས་ཀྱིས་བརྡུང་ཞིང་སྙིང་པོ་བརྗོད་དོ།། གདུང་བའི་མཆི་མ་དབྱུང་ཞིང་གཡབ་མོས་གཡབ
349b6 བོ།། དེ་ནི་མ་མོ་བདུན་གྱི་ལས་བྱང་གི་ལེའུ་སྟེ་བདུན་པའོ།། །། དེ་ནས་བསྒོམ་པར་བྱ་བ་ནི། བདག་ཉིད་དཔལ་ཆེན་པོ་ཡགྣ་ཧེ་རུ་ཀར་བསྒོམས་ལ། རཀྵ་ཧེ་རུ་ཀར་ཡང་མི་འགལ་ལོ།། དེ་ནས་མ་མོ་བདུན་བསྒོམ
iiif viewer powered by OpenSeadragon
