| e-texts navigator |
| Wylie |
349a1 བྲིས་ལ་བཞག་གོ། དེ་ཡི་རྫས་སུ་སྦྱང་ཀིའི་སྙིང་དང་མཆེ་བ་བཞག། སྐོས་ཀྱི་ཤ་ཆེན་ཡང་བཞག་གོ། གསོད་པར་བྱེད་པའི་དཀྱིལ་འཁོར་ནི།། དཀྱིལ་འཁོར་འདོམ་གང་གྲུ་བཞི་ལ།། དབུས་སུ་དམར་ནག
349a2 གྲུ་གསུམ་བྲི།། དེ་སྟེང་བྷནྡ་ལ་གསོད་བྱེད་མའི་སྙིང་པོ་བྲིས་ལ་བཞག། དེ་ཡི་སྟེང་དུ་བྱ་ནག་མོའི་སྙིང་དང་མཆུ་བཞག་སྐོས་ཀྱི་ཤ་ཆེན་ཡང་བཞག་གོ། དབྲོག་པར་བྱེད་པའི་དཀྱིལ་འཁོར་ནི།། དཀྱིལ་འཁོར་འདོམ་གང
349a3 གྲུ་བཞི་ལ། དབུས་སུ་སེར་ནག་གྲུ་གསུམ་ནི། དེ་ཡི་སྟེང་དུ་བྷནྡ་ལ་འཕྲོག་བྱེད་མའི་སྙིང་པོ་བྲིས་ལ་བཞག་དེ་ཡི་རྫས་སུ་འུག་པའི་སྙིང་དང་མཆུ་བཞག་སྐོས་ཀྱི་ཤ་ཆེན་ཡང་བཞག་གོ། ཕྲ་མེན་མ་ལས་ཀྱི་རྒྱལ་མོའི་རྒྱུད
349a4 ལས། དཀྱིལ་འཁོར་སྤྲོས་པའི་ལེའུ་སྟེ་དྲུག་པའོ།། །། དེ་ནས་ཆོ་གའི་ཐབས་ནི། དང་པོ་ཕྱིའི་ལས་གཞུང་བཞིན་བྱས་ལ། ཟླ་ལ་མི་འགོག་པའི་གླུད་ཀྱི་གཏོར་མའི་ཆོ་ག་བྱས་ལ། བདག་ཉིད་དཔལ་རྡོ་རྗེ་ཧེ་རུ་ཀར
349a5 བསྒོམ་སྟེ། དམ་རྫས་སྙིང་རྣམས་དང་། ཤ་ཆེན་རྣམས་བཀྲམ་ལ། རྭ་དུང་གི་ནང་དུ་མ་མོའི་སྲོག་གི་སྙིང་པོ་བདུན་བྲིས་ལ་གཡབ་མོས་གདབ་བོ།། དུང་ཕོར་དུ་རཀྟ་གསུམ་གྱིས་དགང་། ཞིང་གི་རཀྟས་སྤྲས་པའི་གཏོར
349a6 མ་བཤམ། ཚིལ་ཆེན་གྱི་མར་མེ་བལྟམ། སྣུམ་ཆེན་གྱི་དུད་པ་ཡང་བཏང་སྟེ། བསྙེན་པ་ཞག་བདུན་བཙུགས་ལ་བསྒྲུབས། དེ་ནས་བསྙེན་པའི་ཞག་གྲངས་ཐེམས་པ་དང་། ཙ་ཀ་ལི་ནག་པོའི་ནང་དུ་གཟུགས་དང་མིང་བྱང
iiif viewer powered by OpenSeadragon
