| e-texts navigator |
| Wylie |
346a1 མིང་རུས་རཀྟ་ཁྲག་ཆེན་གྱིས་བྲིའོ།། སྙིང་སྣ་ཚོགས་ནང་དུ་མིང་རུས་བཅུག་ལ། དེ་ཞིང་ལྤགས་ཀྱི་ནང་དུ་བཅུག་ལ། སྲོག་གི་སྔགས་བཟླས་ལ། མཆི་མ་ཟེངས་གསུམ་ཕྱུང་ལ་འོ་དོད་འབོད་ལྷ་ལ་དབང
346a2 གཟུག་གོ། ཕྲ་མེན་སྦྱང་གི་ལས་ཀྱི་རྒྱལ་མོའི་རྒྱུད་ལས། སྒྲུབ་ཐབས་ཀྱི་ལེའུ་སྟེ་བཞི་པའོ།། །། དེ་ནས་དཔལ་ཁྲག་འཐུང་ཆེན་པོ་ཉིད་དབྱིངས་ནས་བསྐྱོད་པ་དང་། འཁོར་རྣམས་དགྲ་བོའི་ལས་ལ་གཟུད་པ་འདི
346a3 སྐད་དོ།། ཧཱུཾ་ཁྲོ་རྒྱལ་ཁྲག་འཐུང་འཇིགས་བྱེད་ཆེན་པོ་ཡི།། སྐུ་གསུང་ཐུགས་ལས་བསྐྱེད་པའི་མཁའ་འགྲོ་མ།། དྲག་ཤུལ་ཚུལ་གྱི་སེམས་ཅན་དོན་མཛད་ཅིང་།། གདུག་པའི་ཚོགས་དང་གནོད་སྦྱིན་ཆ་ལུགས
346a4 འཆང་།། བྱམས་པའི་ཐུགས་ཀྱིས་གཉིས་མེད་དོན་རྟོགས་ནས།། ཡེ་ཤེས་འོད་སྟོང་འབར་བའི་ཀོའུ་རཱི་མ།། ཤར་གྱི་ཕྱོགས་ནས་ལས་བྱོས་ལ།། དམ་ཉམས་དགྲ་ལ་རྟགས་བྱུང་ཞིག། ཞི་གནས་རྩ་གཅིག་གཏོད་པའི་གཞུ
346a5 བཀང་སྟེ།། ལྷག་མཐོང་ཤེས་རབ་གསལ་བའི་མདའ་བཀང་ནས།། ཉོན་མོངས་བདུད་འཇོམས་ཡེ་ཤེས་དབྱིངས་རུམ་དུ།། དུག་གསུམ་སྒྲོལ་མཛད་ཐུགས་རྗེ་ཙོ་རཱི་མ། ལྷོ་ཡི་ཕྱོགས་ནས་ལས་བྱོས་ལ།། དམ་ཉམས་དགྲ
346a6 ལ་རྟགས་ཕྱུང་ཞིག། འདོད་པའི་རྡུལ་བྲལ་ཆགས་མེད་པད་མའི་སྐུ།། དགའ་བྱེད་དྲེགས་པའི་བདུད་འཇོམས་རྒྱལ་བའི་རྟགས།། ཆོས་ལ་དབང་བསྐུར་ཆུ་སྲིན་རྒྱལ་མཚན་འཛིན།། རྣམ་རྟོག་ཟ་བྱེད་ཁྲག་འཐུང་ཕྲ་མོ
iiif viewer powered by OpenSeadragon
