| e-texts navigator |
| Wylie |
345b1 ཡི་གཡས་སུ་བཞག། ཚལ་བུ་བརྒྱད་ལ་ཕྲ་མེན་བརྒྱད་ཀྱི་སྙིང་པོ་བྲིས་ལ། དམ་རྫས་བརྒྱད་དང་གཡོན་དུ་བཞག། སྒོ་བཞིར་དཔལ་དར་བཞི་བཞག། ལྷ་བཤོས་ཟླ་གམ་ལ་རཀྟའི་ཐིག་ལེ་བྱས་པ་དགུ་དང་། དམ་རྫས
345b2 ཚང་བའི་གཏོར་མ་སྤྲིན་ཆེན་གྱི་ཞལ་ཁེབས་ཅན་གཅིག་དྲངས་སོ།། ཚིལ་ཆེན་གྱི་མར་མེ་ཁ་དགུ་གཅིག་བལྟམ་མོ།། བ་སུ་ཏིའི་རྒྱུ་ཞགས་ཀྱིས་མཐའ་བསྐོར། སྟེང་གི་ཕྱོགས་སུ་བ་སུ་ཏའི་རྒྱུ་ཞགས་མིག་མངས་རིས་སུ
345b3 བྲིས་པའོ།། ཚིལ་ཆེན་གྱི་འཕན་བདུགས་ཀྱང་བྲི།། ཙིཏྟའི་ཕོ་ལོང་འཕྱང་འཕྲུལ་ཀྱང་དགོང་།། ཕྱོགས་བཞིར་ཞིང་ཆེན་གྱི་རུ་མཚོན་བསྒྲེང་ངོ་།། ཕྱོགས་བཞིར་རཀྟའི་མཚོ་བསྐྱིལ་ལ་གཟར་བུ་བརླབ་བོ།། སྒྲུབ་པ་པོ
345b4 རྣམས་ཀྱི་མདུན་དུ་བྷནྡྷའི་གཟེད་ཞལ་དང་། བྷནྡྷའི་སྒྲེང་སྣོད་ཀྱང་དགྲམ་མོ།། དེ་ནས་སྤྱན་དྲང་མཆོད་པ་འབུལ་ལོ།། སྡིག་བཤགས་དངོས་གྲུབ་སྩོལ། འཛབ་དྲང་ཐུག་དམ་བསྐུལ། ཕྲིན་ལས་བཅོལ། དགྲ་བགེགས
345b5 བཀུག་ཅིང་གཟུགས་ལ་ཕབ་ལ་བསྟབ་པ་བྱ། འཛབ་སྟོང་རྩ་བརྒྱད་དུ་འབུལ།། སྟོང་ཚིག་གི་མཆོད་པ་བྱའོ།། གཏོར་མ་དགོངས་དང་ཐོ་རངས་མི་གཏོང་བའི་ཟོ་རིས་བཅད་ལ་དེར་བླུགས་ཤིང་གཏང་བཟུང་ངོ་།། སྒྲུབ
345b6 པ་ཐོན་པ་དང་དུར་ཁྲོད་ཆེན་པོར་བསྐྱལ་ལ་བཏང་ངོ་།། དེ་ནས་དཀྱིལ་འཁོར་བསྡུ་དངོས་གྲུབ་སྩོལ་ལོ།། དེ་ནས་ཙིཏྟ་གསང་བའི་དཀྱིལ་འཁོར་ནི།། ཞིང་ལྤགས་རློན་པའི་དབུས་སུ་དགྲ་ཡི་གཟུགས་བྲིས་ལ། སྙིང་གར
iiif viewer powered by OpenSeadragon
