| e-texts navigator |
| Wylie |
345a1 མ་ཕྱི་མ་ཡང་དྲངས་ལ། དཀྱིལ་འཁོར་བསྐྱེད་དེ་སྤྱན་དྲང་མཆོད་པ་འབུལ། བཤགས་ཤིང་དངོས་གྲུབ་སྩོལ། འཛབ་དྲང་ཐུགས་དམ་བསྐུལ། ཕྲིན་ལས་བཅོལ།། དགྲ་བགེགས་བསད་ལ་སླར་གསོའོ།། དེ
345a2 ནས་སྒྲུབ་པ་ཕྱིན་པ་དང་གཏོར་མ་ཚོ་གསུམ་དུ་བཅད་དེ། ཚོ་གཅིག་ལ་སྦྱིན་བསྲེག་བྱ། ཚོ་གཅིག་གིས་མཁའ་འགྲོ་མ་བསྐྱང་། ཚོ་གཅིག་མི་ཟད་པའི་གཏེར་དུ་སྦའོ།། དེ་ནས་རིམ་པ་བཞིན་དུ་དཀྱིལ་འཁོར་དུ་འཇུག་ཅིང
345a3 དབང་བསྐུར་རོ།། དེ་ནས་དཀྱིལ་འཁོར་བསྡུས་ཞིང་དངོས་གྲུབ་སྩོལ་ལོ།། དེ་ནས་གཏོར་མ་ཆ་གཅིག་ལ་རྒྱལ་པོ་ཆེན་པོ་བཞི་མཆོད་ནས་སླར་གཤེགས་སུ་གསོལ་ལོ།། དེ་ནས་གུ་ཧྱ་གསང་བའི་དཀྱིལ་འཁོར
345a4 ནི།། འདིའི་གཞུང་གིས་ཀྱང་། དང་པོ་ཕུན་སུམ་ཚོགས་པ་བཞི་དང་ལྡན་ནས། ས་ཡི་ཆོ་ག་དང་སྡིག་པ་སྦྱངས་ཤིང་བྱང་ཆུབ་ཏུ་སེམས་བསྐྱེད་པ་དང་། སྤང་སྐོང་བཀླག་པར་བྱའོ།། དེ་ནས་དཀྱིལ་འཁོར་འདོམ་གང་གྲུ
345a5 བཞི་བྱས་ཏེ། དེ་ལ་དུར་ཁྲོད་ཀྱི་ཆག་ཆག་གསུམ་གདབ་སྟེ། ཤེས་རབ་མ་བྱིན་གྱིས་རློབ་ལ་ཐིག་སྐུད་བཀལ། དེ་ནས་ཐིག་བཞིར་གདབ་ལ་ལེའུ་ཚེ་དགུར་བྱ། དེའི་ཕྱི་རིམ་གྲུ་བཞི་ལ་མེ་རི་བཞི་དང་ལྡན་པར་བྱ།། དེ
345a6 ནས་བྷནྡྷ་རང་པ་དགུ་ལ་དཔལ་ཆེན་པོ་ཡབ་ཡུམ་གཙོ་བརྒྱད་ཀྱི་སྙིང་པོ་བྲིས་ལ། ལིང་ཚེ་དགུ་ཡི་དབུས་སུ་བཞག། བྷནྣ་ཚལ་བུ་བརྒྱད་ལ། ཀོའུ་རཱི་མ་བརྒྱད་ཀྱི་སྙིང་པོ་བྲིས་ལ་བཞག། སྙིང་སྣ་བརྒྱད་དང་ལིང་ཚེ་དགུ
iiif viewer powered by OpenSeadragon
