| e-texts navigator |
| Wylie |
344a1 བཞག་གོ། དཔལ་ཆེན་པོ་ཡབ་ཡུམ་གྱི་སྐོས་ཀྱི་ཤ་དང་། མ་མོ་རྫས་རྟགས་ཀྱི་ཤ་བརྒྱད་དང་ཕྱོགས་ཕྱོགས་སུ་བཀོད་དོ།། ཕྲ་མེན་མའི་རྫས་ཕྱོགས་བཞིར་སྦར་མོ་བཞི་བཀྲམ། མཚམས་བཞིར་མགོ་བཞི
344a2 བཀྲམ། རྣ་བ་རཀྟ་ཚིལ་སྣ་རྐང་པ་མིག་སྲོ་ཏ་ཨན་ཛ་གོ་རོ་ཙ་ན་རྣམས་བཞག་གོ། སྒོ་བཞིར་དཔལ་དར་བཞག་དེའི་ཕྱི་རིམ་ཡོངས་སུ་ཟླ་གམ་ལ། དབང་ཕྱུག་མའི་རྫས་མེད་ན་མཚན་བྱང་དགོད། ལྷ་བཤོས་ཟླ་གམ
344a3 རཀྟའི་ཐིག་ལེ་དགུ་བྱས་པ་དང་། དམ་རྫས་ཚང་མའི་གཏོར་མ་སྤྲིན་ཆེན་གྱི་ཞལ་ཁེབས་ཅན་གཅིག་དྲངས་སོ།། ཚིལ་ཆེན་གྱི་མར་མེ་དགུ་བལྟམ་མོ།། བ་སུ་ཏའི་རྒྱུ་ཞགས་ཀྱིས་མཐའ་བསྐོར། ཁྲག་སྣ་དང་སྙིང་སྣ་ཅི
344a4 མང་བཞག་དེ་ནས་སྤྱན་དྲང་མཆོད་པ་འབུལ།། བཤགས་ཤིང་དངོས་གྲུབ་གསོལ།། འཛབ་དྲང་ཐུགས་དམ་བསྐུལ།། ཕྲིན་ལས་བཅོལ་དགྲ་བགེགས་དགུག། གཟུགས་ལ་ཕབ་ལ་བསད་དོ།། དེ་ནས་དཀྱིལ་འཁོར་བསྡུ
344a5 བའོ།། དེ་ནས་བང་རིམ་གསུམ་པའི་དཀྱིལ་འཁོར་ནི། དང་པོ་ཕུན་སུམ་ཚོགས་པ་བཞི་དང་ལྡན་པར་བྱས་ལ། གནས་ཀྱི་ཕ་རོལ་དུ་སྟེགས་བུ་གྲུ་བཞི་པ་གཅིག་བྱས་ལ། ཙནྡན་གྱི་ལྡེ་གུ་དང་། མེ་ཏོག་གི་ཕོར་ཕུར་བུ་ཡང
344a6 བུ་དང་། སྤོས་ཀྱི་ཚོམ་བུ་དང་། ཤོག་བུའི་མཐོ་རྣམས་བཀྲམ་ནས། དེའི་སྟེང་དུ་མཆོད་པ་རྣམ་པ་ལྔ་དང་། གཏོར་མ་ཆ་གསུམ་བཞག་ལ། སྒྲུབ་པོ་རྣམས་སྡིག་པ་སྦྱང་། བྱང་ཆུབ་ཏུ་སེམས་བསྐྱེད། སྤོང་སྐོང་ཀླག་མཆོད
iiif viewer powered by OpenSeadragon
