| e-texts navigator |
| Wylie |
33b1 ནག་པོའི་སྦུད་པ་རུ། ཁ་གསར་བྲེ་བོའི་ལྟོ་བར་གཞུག། གསལ་བའི་མདོངས་དང་བཅས་པར་གཞུག། ཟི་ར་ནག་པོས་བྲབ་པར་བྱ།། ཨོཾ་ཤྲཱི་ཧེ་རུ་ཀ་ཟུ་ར་ཏ་ཀྲྀ་སྙིང་ལ་རྦད། ཁ་ས་ད་རོ་ཆེ་ལ་རྦད། ན་རཱ་ཙ་དུར་རྦད
33b2 སྭཱ་ཧཱ། དེ་ནས་སྤུད་པས་སྤྲུགས་པ་ན།། ནུབ་ཀའི་འོད་དང་ནམ་ལངས་ནས།། སྲིན་མོ་དམར་ཐག་ཟེར་དུ་འཕྲོ།། རུ་པ་སེ་ཏྲ་གུ་ལ་ཀ་པི་རུ་ཏྲ་ཁ་དུ་ཡ་ས་ཏོ་རྦད།། ཐིག་ལེའི་ནད་རྣམས་འབྱུང་བར་འགྱུར།། དབང་ཕྱུག
33b3 ལས་ཀྱི་རྒྱ་མཚོ་ལས་དཀྱིལ་འཁོར་ཕྲིན་ལས་ཀྱི་ངོ་བོར་བསྟན་པའི་ལེའུ་སྟེ་ཉི་ཤུ་པའོ།། །། ཕྲ་མེན་རྒྱ་མཚོས་ཡང་གསོལ་པ།། ཕོ་ཡི་སྐོང་ལུགས་ཇི་ལྟར་ལགས།། ཡང་དག་རྫོགས་ཀྱིས་བཀའ་སྩལ་པ།། དེ
33b4 ནས་ཕོ་རིགས་མཆོད་འདོད་ན།། རི་རབ་ཆེན་པོའི་དཀྱིལ་འཁོར་ནས།། རི་རབ་བུམ་པའི་ནང་དུ་ནི།། ཚངས་པ་མགོ་ལྔའི་གཟུགས་སུ་བྱ།། རི་རབ་བུམ་པའི་ཤིང་མཚམས་སུ།། དཀར་མོ་མིག་གཅིག་གཟུགས་སུ
33b5 གནས།། ཤིང་དང་ལོ་མའི་མཚམས་སུ་ནི།། བརྒྱ་བྱིན་དབུ་རྟའི་ཚུལ་དུ་གནས།། རི་རབ་བུམ་པའི་ལྕོག་བཞི་ལ།། བྷྲྀ་གི་རི་ཏིའི་གཟུགས་སུ་གནས།། རི་རབ་ཕྱི་ཡི་ལྕོག་བཞི་ལ།། འཁོར་ལོ་ཁྱབ་འཇུག་གཟུགས་སུ
33b6 གནས།། རི་རབ་བུམ་པའི་གྲ་བཞི་ལ།། སྟོབས་བཟང་སེར་སྐྱའི་གཟུགས་སུ་གནས།། དཔག་བསམ་ཤིང་གི་སྐེད་པ་ལ།། སྐོས་རྗེ་དྲང་དཀར་གཟུགས་སུ་གནས།། དཔག་བསམ་ཤིང་གི་རྩ་བ་ན།། ཀ་ལ་བདུད་ཀྱི
iiif viewer powered by OpenSeadragon
