| e-texts navigator |
| Wylie |
336a1 ཡི་སྤྲུལ་པ་སྣ་ཚོགས་ཀྱིས།། འཇིག་རྟེན་གསུམ་པོ་ཀུན་བཀང་ནས།། སྲིད་པ་གསུམ་ཡང་དུས་གཅིག་གཡོས།། ཉི་མ་འབུམ་གྱི་འོད་བདལ་བས།། དྲེགས་པ་ཀུན་ཀྱང་ཚིག་ཅིང་བྲོས།། འབྲུག་སྟོང་མ
336a2 པོའི་སྒྲ་བསྒྲགས་པས།། གདུག་པ་མ་ལུས་བརྒྱལ་ཞིང་སྐྲག། སླན་ཆད་སྡོམ་ཞེས་སྨྲ་བ་དང་།། འབངས་སུ་མཆིས་ཞེས་བྲོ་བོར་ཀྱང་།། ཐུགས་རྗེས་དེ་ཡི་ཁར་མ་བཏང་།། སྲིན་པའི་ཆུང་མ་སྲིན་མོ་གཏུམ།། སྨུག་ནག་ཀྲོ
336a3 ཏཱིཏི་ཤྭ་རཱི་དེ།། དཔལ་ཆེན་འབར་བའི་ཐུགས་རྗེ་ཡིས།། ཕྱག་རྒྱ་བཞི་ཡིས་དབང་དུ་བསྡུས།། ཐབས་དང་ཤེས་རབ་རོལ་པ་ཡིས།། བྱང་ཆུབ་སེམས་ཀྱིས་བྱིན་བརླབ་པས།། དཔལ་ཆེན་ཡཀྐ་ཧེ་རུ་ཀ། རྔམ་པའི་ཚུལ
336a4 གྱིས་ཕྱིར་འཐོན་ཏེ།། སྐུ་ཆེ་ཡན་ལག་རགས་པ་དང་།། ཞལ་བགྲད་མཆེ་བ་གཙིགས་པ་ཡིས།། འཇིག་རྟེན་ཁམས་ཀུན་གང་བྱས་ནས།། བདུད་དང་སྲིན་པོ་གཤིན་རྗེ་དང་།། གདུག་པ་མ་ལུས་སྐྲག་པར
336a5 མཛད།། འཇིགས་པའི་གདོང་ལ་འཇིགས་པའི་གཟུགས།། འཇིགས་པའི་མཚོན་ཆ་སྣ་ཚོགས་ཀྱིས།། ཕ་རོལ་དྲེགས་པ་ཚར་བཅད་ནས།། ཤིན་ཏུ་སྐྲག་ཅིང་བརྒྱལ་བར་བྱས།། རབ་ཏུ་འབར་བའི་མེ་དཔུང་དང་།། སྲེག
336a6 པའི་མེ་ཆེན་རབ་སྦར་ཏེ།། ཕ་རོལ་གཡུལ་ལས་རྒྱལ་བར་མཛད།། སྲིན་པོ་ཆུང་མ་ལ་སོགས་རྣམས།། ཕྱག་རྒྱ་བཞི་ཡིས་དབང་བསྡུས་ནས།། ཐབས་དང་ཤེས་རབ་རོལ་པར་མཛད།། ཞལ་ནས་གདུག་པའི་ཚིག་འདི
iiif viewer powered by OpenSeadragon
