| e-texts navigator |
| Wylie |
335b1 གྱུར་ཏེ།། སླར་ཡང་ཁེངས་པས་རྒོལ་བར་བྱེད།། སྟུག་པོས་བརྒྱན་པའི་ཞིང་ཁམས་ན།། རྒྱལ་བ་རྣམས་ཀྱི་ཐུགས་ཀྱིས་གཟིགས།། རྡོ་རྗེ་སེམས་དཔའ་སྟན་ལས་ལངས། ཀུན་བཟང་ཡབ་ལ་འདི་སྐད་གསོལ།། ཨེ་མ
335b2 བཅོམ་ལྡན་ཨ་ལ་ལ།། རྒྱལ་བའི་ཞིང་ཁམས་འདི་དག་ན།། ལོག་པའི་བདུད་དང་སྲིན་པོ་རྣམས།། སངས་རྒྱས་བཀའ་ལས་འགལ་བགྱིད་པ།། འདི་ལ་ནན་ཏན་ཇི་ལྟར་བགྱི།། ཀུན་བཟང་ལྷ་ཡིས་བཀའ་སྩལ
335b3 པ།། བདུད་དང་གཤིན་རྗེ་སྲིན་པོ་རྣམས།། ང་རྒྱལ་དྲེགས་པས་འཆིང་བ་ལ།། ཤིན་ཏུ་གདུག་ཅིང་གཏུམ་བྱེད་པས།། དེ་ལ་ཞི་བས་ཕན་མི་འགྱུར།། ཤེས་རབ་ཐབས་དང་ལྡན་བྱས་ནས། ཁྲོ་བོར་དེ་བཞིན་གཤེགས
335b4 མཛད་པ།། སངས་རྒྱས་ཐུགས་རྗེ་ཁྲོས་པ་ཡིས།། སྟོང་གསུམ་མ་ལུས་ཐམས་ཅད་ཀྱང་།། སྐད་ཅིག་ཡུད་ལ་མེད་འགྱུར་ན།། སྲིད་པ་གསུམ་ལ་སྨོས་ཅི་དགོས།། དུར་ཁྲོད་གར་གྱི་ཕྱག་རྒྱར་བསྐྱེད།། དེ་ནས་སྟོན་པ་རྡོ་རྗེ
335b5 འཆང་།། ལེགས་པར་ཐལ་སྦྱར་ཕྱག་འཚལ་ནས།། དེ་ཉིད་ལ་ནི་གནས་བསྒྱུར་ཏེ།། གདུག་ཅིང་དྲག་ལ་རྩུབ་པ་ཡིས།། གོང་མ་ལས་ཀྱང་ཆེར་སྣང་ཞིང་།། དབུ་དང་ཕྱག་ཞབས་མང་པོ་དང་།། མཚོན་ཆ་རྣམ་པ་སྣ་ཚོགས
335b6 པས།། འཇིགས་པའི་ཆ་ལུགས་མང་པོས་བརྒྱན།། གཟི་བྱིན་མཐུ་དཔུང་བསྐྱང་དུ་མེད།། རབ་ཏུ་རྔམས་ཤིང་ཐུགས་གཏུམས་ནས།། དགྱེས་མཛད་རྡོ་རྗེ་གསོར་ནས་ཀྱང་།། གོམས་པའི་སྟོབས་ཀྱིས་གར་བྱེད་ཅིང་།། སྐུ
iiif viewer powered by OpenSeadragon
