| e-texts navigator |
| Wylie |
335a1 དང་།། སྲས་བཅས་བྱང་ཆུབ་སེམས་དཔའ་རྣམས།། མཉམ་པའི་ངཔལ་བདེ་བར་བཞུགས།། དེ་ཚེ་འཛིན་རྟོག་དབང་གིས་ཀྱང་།། འཛིན་རྟོག་གསུམ་པོ་རིམ་གྱིས་ཆགས།། སྐྱེ་འགྲོ་མ་ལུས་ཐམས་ཅད
335a2 ལ།། དྲེགས་པས་རིམ་པར་དབང་བསྒྱུར་བ།། བསམ་པ་ལོག་པའི་བར་ཆད་བདུད།། ང་རྒྱལ་ཁེངས་པའི་གཤིན་རྗེ་དང་།། གཏི་མུག་རྨོངས་པའི་སྲིན་པོ་རྣམས།། སྲིད་པ་གསུམ་ལས་དབང་ཆེ་སྟེ། ཁམས་གསུམ་མ་ལུས
335a3 རིམ་གྱིས་བསྡུས།། ང་རྒྱལ་དྲེགས་པའི་གཟུགས་འཆང་བས།། གཟུགས་ཕུང་ཆེ་ལ་གདོས་པོ་རགས།། ང་རོ་ཆེ་ཞིང་གཏུམ་བག་ཅན།། ལག་ན་མཚོན་ཆ་སྣ་ཚོགས་ཐོགས།། བྱམས་དང་སྙིང་རྗེའི་ལམ་དང་བྲལ།། ཆེ
335a4 བཙན་རྟག་པར་འཛིན་པའི་མཐུས།། ལོག་པའི་ལམ་དང་གོལ་བའི་ས།། ཕྱིན་ཅི་ལོག་ལ་ཡིད་ཆེས་པས།། ལས་སུ་མཚན་མའི་ཆོས་ལ་སྤྱོད།། སྲིད་པའི་ས་བོན་རྩུབ་མོས་འཕང་།། དམྱལ་བའི་སྡུག་བསྔལ་ཉམས་སུ
335a5 མྱོང་།། གལ་ཏེ་དེ་ལས་ཐར་ནས་ཀྱང་།། སླར་ཡང་སྲིན་པོའི་ལུས་བླངས་ནས།། གོང་མ་བཞིན་དུ་འཁོར་བར་བྱེད།། དེ་ཡི་འཁོར་ཡང་སྲིན་མོ་དང་།། མ་མོ་དང་ནི་མཁའ་འགྲོ་དང་།། ཤིན་ཏུ་གཏུམ་པའི་འཁོར་དང
335a6 བཅས།། གསོད་པའི་ལས་ལ་འབབས་ཤིང་གྲིམ།། ཤ་དང་ཁྲག་དང་སྲོག་ལ་སྤྱོད།། ངེས་པའི་ལུང་དང་མ་ལྡན་པས།། ཀུན་ཀྱང་དམྱལ་བའི་ལམ་དུ་འགྲོ།། སྦྲུལ་སྐུ་ལ་སོགས་སངས་རྒྱས་ཀྱིས།། འདུལ་བའི་ལས་སུ་མ
iiif viewer powered by OpenSeadragon
