| e-texts navigator |
| Wylie |
334b1 རླུང་གི་འཁོར་ལོ་ཡིན།། མེ་ཡི་འཁོར་ལོ་གྲུ་གསུམ་ལ།། ཡི་གེ་ལྔ་དང་རབ་ཏུ་ལྡན།། ཆུ་ཡི་འཁོར་ལོ་ཟླུམ་པོ་སྟེ།། ཡི་གེ་ལྔ་དང་རབ་ཏུ་ལྡན།། ས་ཡི་འཁོར་ལོ་གྲུ་བཞི་ལ།། ཡི་གེ་ལྔ་དང་ལྡན་པ་སྟེ།། ཐམས་ཅད་གོང
334b2 བཞིན་ཤེས་པར་བྱ།། ཡི་གེ་འོད་དུ་ལྡན་པར་བསྒོམ།། ཕཊ་ཀྱིས་སེམས་ཀྱི་རོ་བསད་དེ།། ཏ་ནི་སྲེག་པར་བྱེད་པ་ཡིན།། རྦད་ནི་བདེ་བའི་རོ་བསད་དེ།། ཆོས་ཀྱི་དབྱིངས་སུ་རྟག་པར་བྱའོ།། འཁོར་དང་མྱང་འདས
334b3 ཆོས་ཐམས་ཅད།། བྱང་ཆུབ་སེམས་ཀྱི་འཁྲུལ་འཁོར་བསྐོར།། ཡོངས་སུ་བྱང་ནས་སྣང་བར་འགྱུར།། འདུས་བྱས་རྫས་ཀྱི་འཁོར་ལོ་བསྐོར་བ་མུ་སྟེགས་འཁྲུལ་པའི་ལམ།། དཔེར་ན་མཚོན་རྩེ་གཅིག་པས་བཏབ་ན
334b4 འཆོར་མེད་བཞིན།། སྣང་ལ་རང་བཞིན་མེད་པ་རྩེ་གཅིག་བསྒོམ།། དབྱིངས་གསང་བ་འཁོར་ལོའི་རྒྱུད་ལས། འཁོར་ལོ་རྣམ་པ་གསུམ་བཤད་པའི་ལེའུ་སྟེ་དགུ་པའོ།། །། གསང་སྔགས་ཐམས་ཅད་ཀྱི་སྤྱི་རྒྱ་ཆེན་པོ
334b5 རྒྱུད་ཕྱི་མའི་རིམ་པར་གསུངས་པ་རྫོགས་སོ།། །། @#།། རྒྱ་གར་སྐད་དུ། ཤྲ་ན་མུ་ཁ་ཀརྨ་རཱཛྫི་ཏནྟྲ། བོད་སྐད་དུ། ཕྲ་མེན་སྦྱང་ཀི་ལས་ཀྱི་རྒྱལ་མོའི་རྒྱུད། བཅོམ་ལྡན་འདས་དཔལ་ཀུན་ཏུ
334b6 བཟང་པོ་ཧེ་རུ་ཀ་ལ་ཕྱག་འཚལ་ལོ།། འདི་སྐད་བདག་གིས་བཤད་པའི་ཚེ།། སངས་རྒྱས་མ་བྱུང་སྔོན་རོལ་དུ།། ཆོས་ཉིད་སྐྱེ་བ་མེད་དབྱིངས་ན།། སྟོན་པ་ཀུན་ཏུ་བཟང་པོ་དང་།། རིགས་ལྔའི་སངས་རྒྱས་ཡབ་ཡུམ
iiif viewer powered by OpenSeadragon
