| e-texts navigator |
| Wylie |
333b1 ལས།། སྙིང་པོ་རེ་རེས་གཅིག་ཏུ་དྲིལ།། ཆོལ་བུ་ཀུན་ནས་བཏུས་ཞེས་བརྗོད།། ལས་གསུམ་གཅིག་ཏུ་གང་བཟློག་པ། འུར་བ་གཅིག་ཏུ་དྲིལ་ཞེས་བརྗོད།། འབྱུང་བ་ཚ་གྲངས་གང་འཁྲུགས་པ།། མེ་ཆུ་འགལ་བ་སོགས
333b2 ཞེས་བཤད།། དབྱིངས་གསང་བའི་རྒྱུད་ལས་རྩིས་ཆད་བཤད་པའི་ལེའུ་སྟེ་བདུན་པའོ།། །། ཨེ་མའོ་བཅོམ་ལྡན་གསང་ཆེན་བདག། ཐམས་ཅད་མཁྱེན་རྫོགས་ཕྱག་འཚལ་ལོ།། ཀུན་ཁྱབ་བདེ་ཆེན་གསང
333b3 སྔགས་དོན།། ཇི་ལྟར་གསུངས་པའི་བཀའ་ལུང་དེ།། ལུང་གི་ཡི་གེ་མ་འདྲེས་གསལ།། རང་བཞིན་རྒྱུད་ལས་ཚིག་གི་རྒྱུད།། རྟེན་འབྲེལ་ཡི་གེ་སྒྲ་རྟགས་སོ།། བདག་གིས་བསྡུས་ལ་གནས་པར་བགྱི།། འདི་དོན་མ་ལུས
333b4 གསུང་བ་རྣམས།། འཆད་པའི་རྣལ་འབྱོར་དམ་པ་སྟེ།། གསང་བདག་ཉིད་དུ་གནས་པར་བགྱི།། ཇི་ལྟར་ཇི་ལྟའི་སེམས་ཅན་རྣམས།། དེ་ལྟ་དེ་ལྟའི་དོན་རྣམས་ལ།། གནས་ཤིང་དད་པར་བགྱི་ལགས་སོ།། འདི་སྤྱོད་རྣལ
333b5 འབྱོར་གང་དག་ཀྱང་།། རྒྱ་རྟགས་ཞེས་ནི་གཟུང་བར་བགྱི།། དེ་ལ་རྒོལ་དང་བར་གཅོད་དང་།། གཞན་གྱི་སྡེ་པས་མི་ཚུགས་བགྱིའོ།། བཅོམ་ལྡན་འདས་དགོངས་པ་མཐར་ཕྱིན་ནས། བདེ་བ་ཆེན་པོའི་ངང་ལ་བཞུགས
333b6 དབྱིངས་གསང་བའི་འཁོར་ལོའི་རྒྱུད་ལས། ཇི་སྙེད་པ་གཏད་པའི་ལེའུ་སྟེ་བརྒུད་པའོ།། །། དེ་ནས་འཇམ་དཔལ་གཤིན་རྗེའི་གཤེད་གདན་ལས་བཞེངས་ཏེ། བཅོམ་ལྡན་འདས་ལ་ཕྱག་འཚལ་ཏེ།། འདི་སྐད
iiif viewer powered by OpenSeadragon
