| e-texts navigator |
| Wylie |
327a1 ཤང་ཀི་པྲ་མ་ཡ། ཏིཥྛརྦད། བྲུཾ་རི་ལི་ལི་རྦད། ཡགྒ་རཀྐ་པྲ་མ་ནི་ནཱ་ག་རག་མོ་བྲུཾ་རི་ལི་རྦད་རྦད། ཙིཏྟ་ཙིཏྟ་ཁ་རག་ཏྲག་རཀྵ་ཏྲཾ། མ་ཧཱ་ས་མ་ཡ། མ་ཧཱ་རཀྐ་ཏྲཾ། ཙིཏྟ་བྲུཾ་རི་ལི་ལི་རྦད། སྤྱིར་བསད
327a2 པའི་སྔགས་སོ།། སྙིང་ཏིག་བཀོལ་པ་འུག་པའི་གདོང་ཅན་ཞེས་བྱ་བའི་རྒྱུད་ལས། ཙིཏྟ་ཡང་སྙིང་གི་སྔགས་ཀྱི་ལེའུ་སྟེ་བཅུ་དགུ་པའོ།། །། དེ་ནས་དཔལ་ཆེན་ཧེ་རུ་ཀ། དཔལ་གྱི་ཐུགས་ཀྱི་རྒྱུད་འདི་བཤད།།
327a3 ཉོན་གཅིག་རྡོ་རྗེ་འཛིན་པ་ཁྱོད།། ང་ཡི་གསང་རྒྱུད་ཆེན་པོ་འདི།། ལྔ་བརྒྱའི་དུས་སུ་བསྟན་སྲུང་ཕྱིར།། རྩ་བ་གསུམ་དུ་བསྡུ་བར་བྱ།། ཡན་ལག་ལྔ་ལ་སྤྲོ་བྱས་ཏེ།། དང་པོ་དཔལ་ཆེན་སྤྱན་སྔ་རུ།། སྲིད་པའི
327a4 ཚེ་སྲོག་བདག་མོ་ཡིས།། རང་རང་སྲོག་གི་སྙིང་པོ་ཕུལ།། ཕུང་བྱེད་བུ་མོ་སྤྱན་བཞི་ཡིན།། རང་རྟགས་སྲོག་གི་སྙིང་པོ་ཕུལ།། འཁོར་དང་བཅས་པ་ཐམས་ཅད་ཀུན།། དཔལ་ཆེན་ཉིད་ཀྱི་དམ་ལ་གནས།། བསྟན
327a5 པ་སྲུང་བའི་བདག་མོ་ཡིན།། དད་མོས་ཉམས་སུ་གང་ལེན་པ།། དངོས་གྲུབ་མཆོག་ནི་གདོན་མི་ཟ།། ཞེས་བཀའ་སྩལ་པ་དང་།། འཁོར་གྱི་གཙོ་བོ་དཔལ་རྡོ་རྗེ་འཛིན་པ་དང་།། སྲིན་མོ་འོད་འདུས་ཤང་ཀ་ཏི་ལ
327a6 སོགས་པ། བུ་མོ་དང་འཁོར་དུ་བཅས་པ་ཐམས་ཅད་རབ་ཏུ་དགའ་བ་སྐྱེས་ཏེ། བཅོམ་ལྡན་འདས་ལ་བསྟོད་དོ།། སྙིང་ཏིག་བཀོལ་པ་འུག་པའི་གདོང་ཅན་ཞེས་བྱ་བའི་རྒྱུད་ལས། ཡོངས་སུ་གཏད་པའི
iiif viewer powered by OpenSeadragon
