| e-texts navigator |
| Wylie |
319a1 སྐད་ཅེས་གསོལ་ཏོ།། ཨེ་མ་ཧོ་དཔལ་ཆེན་ཐུགས་རྗེ་བདག། ལས་ཀྱི་སྲིན་མོ་ཆེན་མོ་འདི།། ད་ལྟར་ཇི་ལྟར་རྒྱུ་ལས་བྱུང་།། གནས་ནི་ཇི་ལྟ་བུ་ལ་གནས།། ལས་དང་བྱ་བ་ཇི་ལྟ་བུ།། ཕྱི་རབས་བསྟན
319a2 པ་སྲུང་བ་ཡིས།། ཚུལ་བཞིན་བསྒྲུབ་ན་ཇི་ལྟར་སྒྲུབ།། ངན་སྔགས་སྦྱོར་བ་ཇི་ལྟར་ལགས།། ཕན་གདགས་པ་ཡི་ལས་ནི་གང་།། ཟློག་ཅིང་བསྲུང་ན་ཇི་ལྟར་ལགས།། དབབ་གསད་ཆོ་འཕྲུལ་སྲེག་མནན
319a3 དང་།། དབང་བསྐུར་ཤི་ས་བསྟན་པ་དང་།། ལས་རྣམས་མ་ལུས་མཐའ་དག་ཀུན།། དཔའ་བོས་རྒྱས་པར་དཀའ་སྩོལ་ཅིག། དེ་སྐད་ཅེས་གསོལ་པ་དང་། དཔལ་འཇིགས་བྱེད་ཆེན་པོས་བཀའ་སྩལ་པ། ཉོན་ཅིག
319a4 ཟུང་ཞིག་རྡོ་རྗེ་འཛིན།། ལས་དང་ཐུགས་རྗེས་འབྲེལ་བ་ཡིས།། སྲིན་མོའི་ལས་རྣམས་ངས་བཤད་ཀྱི།། གསང་བདག་རྡོ་རྗེ་འཛིན་པ་ཉོན།། བསྐལ་པ་ཀུན་བཀོད་བྱ་བ་ལ།། ལས་ཀྱི་གོལ་བའི་རཱ་ཏྲ་དེ།། ཉིད་ཀྱིས་དེ
319a5 ཉིད་གསང་བར་བཏུལ།། སྲིན་པོའི་ཆུང་མར་གྱུར་པ་ནི།། སྲིན་མོ་ང་རོ་ཁྲག་འཐུང་མྱོས།། རལ་གཅིག་མ་ཞེས་བྱ་བ་དང་། ཕ་མ་གདུག་པའི་བུ་མོ་ནི།། སྲིན་མོ་ཤང་ཀ་ཏི་ཞེས་གྲགས།། གདུག་པའི་བྱད་སྟེམས་ངན
319a6 པ་ཡིས།། འཇིག་རྟེན་ཕུང་ལ་ཁད་པ་ལས།། དྲེགས་པའི་སྲིན་པོ་རཱུ་ཏྲ་དེ།། མངོན་སྤྱོད་ཐུགས་རྗེས་བསྒྲལ་བ་ནི།། འཛམ་གླིང་ལྷོ་ཡི་ཞིང་ཁམས་སུ།། ཕུང་པོ་ཉལ་སྟབས་གན་རྐྱལ་དུ།། རོ་ལ་གླིང་བཞིར་གྱུར་པ
iiif viewer powered by OpenSeadragon
