| e-texts navigator |
| Wylie |
318b1 རྣམས་མ་ལུས་ཀུན་བྱོས་ཤིག། ཅེས་བཀའ་སྩལ་པ་དང་། སྲིན་མོ་ཆེན་མོ་སེམས་རབ་ཏུ་དགའ་བ་སྐྱེས་ནས། དཔལ་ཆེན་པོའི་བཀའ་སྩལ་པའི་ལུང་བཞིན་དུ་དམ་བཅས་ཏེ། གསང་སྔགས་ཀྱི་སྲུང་མར་གྱུར
318b2 ཏོ།། འཁོར་ན་གནས་པའི་མ་མོ་གསམ་གྱིས་མི་ཁྱབ་པ་རྣམས་ཀྱང་རབ་ཏུ་དགའ་བའི་སེམས་ཀྱིས། བཅོམ་ལྡན་འདས་ལ་བསྟོད་ཅིང་། བསྐོར་བ་དང་མཆོད་པ་རྒྱ་ཆེར་བྱས་ནས། འདི་སྐད་ཅེས་གསོལ་ཏོ།། ཨེ་མ
318b3 ཧོ་དཔལ་ཆེན་ཁྲག་འཐུང་ཚོགས།། བདག་ཅག་ལས་ཀྱིས་མ་མོ་ཤང་ཀ་ཏིའི།། བཀའ་དང་སྒྲུབ་པའི་རྗེས་སུ་ནི།། བདག་ཅག་རྣམས་ཀྱང་ལས་བགྱིད་པས།། བཅོམ་ལྡན་འདས་ཀྱིས་བཀའ་ལ་ཐོགས།། དོན་དང
318b4 མཐུན་པའི་དབང་སྩོལ་ཅིག། ཅེས་གསོལ་པ་དང་། བཅོམ་ལྡན་འདས་ཀྱིས་འཁོར་དེ་དག་ལ་བཀའ་སྩལ་པ། ལེགས་སོ་ལེགས་སོ་སྲིན་མོའི་ཚོགས། ཁྱོད་ཀྱིས་ལས་དང་སྐལ་བསྟན་པ།། བསྟན་པ་གཉེན་པོ་སྲུང་བ
318b5 དང་།། དཀོན་མཆོག་སྐུ་དགྲ་གདུལ་བ་དང་།། རྣལ་འབྱོར་དོན་མཐུན་སྐྱོང་བར་གྱིས།། ཞེས་གསུངས་པས་ཤིན་ཏུ་དགའ་སྟེ། རིག་འཛིན་གྱི་དམ་ཅན་དུ་གྱུར་རོ།། སྙིང་ཏིག་བཀོལ་བའི་རྒྱུད་ལས་འུག་པའི་གདོང
318b6 ཅན་ཞེས་བྱ་བ་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་འཁོར་དེའི་ནང་ནས་བྱང་ཆུབ་སེམས་དཔའ་ཆེན་པོ་གསང་བ་བའི་བདག་པོ་ཞེས་བྱ་བ་ཞིག་གིས་མཁྱེན་བཞིན་དུ། བཅོམ་ལྡན་འདས་ལ་འདི
iiif viewer powered by OpenSeadragon
