| e-texts navigator |
| Wylie |
318a1 ཀྱང་བྱ། ཟློག་བྱེད་ཆེན་མོ་པྲ་མོ་ཧ་ཞེས་ཀྱང་བྱ་བ་ཞིག་གིས། བཅོམ་ལྡན་འདས་འཇིགས་བྱེད་ཆེན་མོ་ལ་ལན་བརྒྱ་སྟོང་དུ་བསྐོར་ཞིང་མཆོད་པ་བྱས་ཏེ། འདི་སྐད་ཅེས་གསོལ་ཏོ།། ཨེ་མ་དཔའ
318a2 བོཔོ་ཐུགས་རྗེ་བདག། བསྐལ་པ་བགྲངས་པའི་འགྲོ་དྲུག་རྣམས།། ལས་ཀྱི་འཁོར་བའི་འཇིག་རྟེན་འདི།། སྒྲོལ་བ་འབའ་ཞིག་ཐུགས་རྗེའི་བདག་ཁམས་གསུམ་སྒྲོལ་བའི་མཆོག་འཚལ་གྱིས།། སྲིད་གསུམ་སྒྲོལ་བའི
318a3 དབང་སྩོལ་ཅིག་ཅེས་གསོལ་པ་དང་། བཅོམ་ལྡན་འདས་འཇིགས་བྱེད་ཧེ་རུ་ཀས། ཁམས་གསུམ་དབང་དུ་བསྡུས་སྲིད་གསུམ་ཟིལ་གྱིས་གནོན།། སྐུ་ཡི་འོད་ཟེར་དང་གསུང་གི་ང་རོ་དང་། ཐུགས་ཀྱི་སྤྲུལ་པས
318a4 འཁོར་རྣམས་སྤྲོ་བ་བསྐྱེད་པར་མཛད་དེ། འདི་སྐད་ཅེས་བཀའ་སྩལ་ཏོ།། ཉོན་ཅིག་སྲིད་པའི་ཁྲོ་མོའི་གཙོ།། སྲིད་གསུམ་འཇིག་རྟེན་ཐམས་ཅད་དུ།། མི་དགེའི་ཆོ་འཕྲུལ་གསད་བཅད་ཚོགས།། བཀའ་དང
318a5 མཐུན་པའི་ལས་མ་ཡིན།། འོན་ཀྱང་ལྔ་བརྒྱའི་ཐ་མ་ལ།། བསྟན་པ་འཇིག་པའི་རཱུ་ཏྲའི་ཚོགས། ཁྱོད་ཀྱི་ཟས་དང་སྐོམ་དུ་བསྔོ།། དམ་སྲི་བསྒྲལ་བའི་ཞིང་བཅུ་ཡིན་པས།། སྲོག་དང་དབུགས་ལ་དབང་བསྒྱུར
318a6 རོ།། བཀའ་དང་མཐུན་པའི་རྣལ་འབྱོར་ལ།། བསྲུང་དང་དབབ་པའི་ལས་ཀུན་བྱོས།། མུ་སྟེགས་ལོག་ལྷའི་ངན་སྦྱོར་རྣམས།། ཟློག་ཅིང་གསོད་པར་དབང་བསྐུར་རོ།། དོན་དང་མཐུན་པའི་རྣལ་འབྱོར་གྱི།། ལས
iiif viewer powered by OpenSeadragon
