| e-texts navigator |
| Wylie |
314a1 ཏིག་བཀོལ་པ་ལས། སྒྲུབ་པ་དང་ལས་ལ་སྦྱོར་བའི་ལེའུ་སྟེ་དྲུག་པའོ།། །། དེ་ནས་ཡང་དག་བཤད་བྱ་བ།། ཤིན་ཏུ་དྲག་པོའི་རྣལ་འབྱོར་པས།། སྦྱོར་བ་ཁོ་ནས་སྒྲོལ་བར་བྱ།། དེ་ཡང་ཟབས
314a2 མཆོག་བདུན་དུ་འདུས།། བསྒོམ་པའི་གཉེན་པོ་ལྷ་གསལ་དང་།། ལས་སུ་རུང་བ་མ་ཡེངས་དང་།། སྐུ་གསལ་དབང་བསྡུ་ལས་གཟུད་དང་།། བཙུད་ནས་རྦད་པའི་སྔགས་བཟླས་ཤིང་།། ཞེ་སྡང་འབར་བའི་དཀྱིལ
314a3 འཁོར་ནས།། གསད་པའི་ཞེ་སྡང་འབར་དམིགས་ཤིང་།། མ་མོས་མཚོན་ཆ་སྣ་ཚོགས་ཀྱིས།། གསོད་པར་དམིགས་ཏེ་ཐུན་དུ་བརྡེག། སྒྲོལ་བ་ལུང་གི་ཞེ་སྡང་ངོ་།། མ་མོས་ཤིན་ཏུ་སྒྲོལ་བའི་ལས། ཁྲག་རྩ་སྤྱི་བོར་ལ
314a4 ནས་ཀྱང་།། རྣམ་པར་ཤེས་པ་འབྱེད་པར་བསྒོམ།། ཐོད་པས་ཐོད་པ་འཇིགས་པར་བསྒོམ།། མ་མོས་འཁོར་བ་ལམ་ལ་གནས།། མདོག་དང་མཐུན་པའི་ནད་འགྱེད་ན།། འཇོག་པ་ཁྲག་མེད་ཞེས་ཀྱང་བརྗོད།། སྙིང
314a5 ནས་མདུན་ན་བད་ཀན་རྩ།། ནམ་མཁའི་མ་མོ་རླུང་ནག་དང་།། བད་ཀན་དེ་ལས་སྐྱེ་བར་དམིགས།། སྙིང་ནས་གཡས་ན་ཁྲག་གི་རྩ།། ས་ཡི་དབང་བྱེད་མ་མོའི་རྩ། ཁྲག་ནི་དེ་ལས་འབྱུང་བར་དམིགས།། རྒྱབ་ན
314a6 གནས་པ་ས་ཚོགས་རྩ།། འབྱུང་བ་རླུང་གི་མ་མོ་དེས།། སྣ་ཚོགས་ནད་ཀྱི་གཉིས་འབྱུང་དམིགས།། གཡོན་ན་གནས་པ་མཁྲིས་པའི་རྩ།། འབྱུང་བ་ཆུ་ཡི་དབང་མོ་དེས།། མཁྲིས་པ་ཀུན་ཀ་གཉིས་འབྱུང
iiif viewer powered by OpenSeadragon
