| e-texts navigator |
| Wylie |
313a1 གང་ནས་བྱུང་བ་ཡི།། སྣ་ཚོགས་པ་ནི་གྲུབ་པར་བྱ།། དྲི་ཡང་དེ་བཞིན་ཤེས་པར་བཤད།། མ་བཙན་བརྟག་པ་རབ་ཏུ་བརྟགས།། ཤར་རམ་ལྷོའམ་ནུབ་བམ་བྱང་།། དེ་ཡང་དབུས་སུ་བྱུང་ན
313a2 བཟང་།། ཉམས་ལ་གསལ་ལམ་མཐོང་ན་ལེགས།། རི་མོ་སྟོན་ན་བསྐྲད་པར་བྱ།། མང་པོ་བྱུང་ན་འཁོར་མི་ཡིན།། གཏོར་མ་སྤྱི་ལ་སྦྱིན་པར་བྱ།། བཞི་རུ་བྱུང་ན་གཙོ་མོ་སྟེ།། ཤིན་ཏུ་བཅོལ་བ་དྲག་ཏུ་བྱ།། དམག
313a3 ཚོགས་སྟོན་ན་ལས་བྱེད་ཡིན།། ལུས་ལ་སྦྲུལ་གྱིས་འཁྲིལ་བ་ནི།། འཁོར་གྱི་ཀླུ་མོ་ལས་བྱེད་ཡིན།། བུད་མེད་བྱུང་ན་མ་མོ་ལས་བྱེད་ཡིན།། སྐྱ་ཤར་བྱུང་ནས་ལས་བྱེད་ན།། བདུད་ཕོ་ལས་བྱེད་ཡིན་པར
313a4 བཤད།། དགྲ་རྟགས་ཕོགས་དགུ་བྱུང་མོད་ཀྱང་།། ངེས་པ་མེད་པར་ཤིན་ཏུ་འབད།། ཐེ་ཚོམ་ཟ་ན་འདི་འགྲུབ་མེད།། སྦྱོར་བ་མ་གཙང་ལས་མི་གྲུབ།། རྟགས་ལ་ལྟོས་ལས་ལེགས་པར་སྒྲུབ།། སེམས་སྲན་ཆུང་ན།
313a5 ལས་མི་གྲུབ།། དེ་ཡི་རྟགས་ཀྱི་སྒྲུབ་པ་བཤད།། འགྱུ་བའི་དུས་ལ་སྒྲུབ་གཟུགས་གཟུང་།། བཅོ་ལྔ་ཉེར་གཉིས་མར་ངོ་ལ།། ཚེས་གྲངས་བཅོ་ལྔ་ལས་བྱེད་དུས།། དེ་དུས་གྲུབ་མཐའ་ལས་ལ་གཟུད།། གྲངས་ཀྱི་གྲུབ
313a6 མཐའ་བསྟན་པ་ནི།། སྟོང་ངམ་ཁྲི་འམ་འབུམ་གྱི་བར།། འབུམ་མམ་བདུན་འབུམ་བྱ་བའི་བར།། དང་པོ་བསྒྲུབ་པ་སྦྱར་བ་བྱ།། ལས་ལ་གཟུད་པའི་ལས་ཟིན་པས།། གཏོར་མ་བཏང་སྟེ་བཤགས་པར་བྱ།། རྫས་དང
iiif viewer powered by OpenSeadragon
