| e-texts navigator |
| Wylie |
311b1 དམིགས་པར་བྱའོ།། མ་གཤིན་འདུས་པ་དཀྱིལ་འཁོར་དུ།། འཁོར་ལོ་བཞི་ཡི་ལྟེ་བ་དབུས།། ཕྱོགས་སྐྱོང་ཁྲོ་བཅུ་རིགས་ལྔ་དང་།། འདོད་པའི་དབང་ཅན་ཉལ་བ་དང་།། སྟེང་དུ་ཆེ་མཆོག་ཧེ་རུ་དམིགས།། ཉི་ཤུ་རྩ
311b2 གཅིག་མདོག་མ་ངེས།། བཞི་བཅུ་རྩ་གཉིས་བདེ་གཤེགས་འཛིན།། སྟེང་ཞལ་རྡོ་རྗེ་མཉམ་སྦྱོར་བས།། བྱང་ཆུབ་སེམས་ཀྱི་རྒྱུ་ལས་བྱུང་།། གསོན་གཤིན་སྒྲོལ་བའི་ཡུམ་ཞེས་བྱའོ།། སྲིད་པ་བདེ་འགྲོ་མ་དེར
311b3 དམིགས།། དེ་ཡི་འབྱུང་བ་བཞི་པོ་ལ།། མ་མོ་བཞི་པོ་བསྐྱེད་པར་བྱ།། སྟོང་རྩ་བརྒྱད་ཀྱང་དམིགས་པར་བྱ།། སྤྱན་དྲང་དབང་བསྐུར་བྱིན་བརླབ་སྟེ།། བདག་ཡང་སེམས་ཀྱིས་དབུལ་བ་དང་།། དྲང་དང་རྦད་དང
311b4 གསད་པའི་སྔགས།། གཙོ་མོ་འཁོར་དང་བཅས་པ་ཡིས།། ཉིན་གུང་མཚན་གུང་མ་ནོར་བཟླས།། ཉིན་གུང་མཚན་གུང་ལ་བསྐུལ་ཞིང་།། དུས་དེར་གཏོར་མ་གཏང་བར་བྱ།། མ་ནོར་དུས་སུ་རིམ་པར་བསྒོམ།། ཡང
311b5 ཏིག་བཀོལ་བ་ལས། མ་མོའི་ལས་བྱ་ཐབས་ཀྱི་ལེའུ་སྟེ་གསུམ་པའོ།། །། དེ་ནས་ཡང་དག་བཤད་བྱ་བ།། གྲུབ་པའི་རྟགས་མཚན་བྱུང་བ་དང་།། ལས་ལ་རབ་ཏུ་སྦྱར་བའི་ཕྱིར། ཁྱིམ་མམ་དུར་མཆད་ཕས
311b6 འོངས་གདོང་། ཁྲག་དང་ཉུང་དཀར་བསྲེས་པ་དེ།། རྒྱ་བཀྲོལ་ལག་གཡང་བླུགས་ཏེ་གཏོར།། ཕྱོགས་བསྐོར་གཡབ་མོས་གདུལ་བྱའོ།། དྲག་པོའི་རྫས་ཀྱིས་མནན་ཏེ་གཞག། སེར་བ་ཐོག་མར་འབེབས་འདོད
iiif viewer powered by OpenSeadragon
