| e-texts navigator |
| Wylie |
310b1 པ།། སྒྲུབ་པའི་གནས་སུ་རབ་ཏུ་བསྟན།། གནས་དེར་དྲག་པོའི་བསྒྲུབ་བྱ་བ།། སྔོན་འགྲོ་བདུད་འདུལ་ས་བརྟག་ཅིང་།། ས་བསླངས་ས་སྦྱང་མཚམས་གཅད་བྱ།། གནས་དེར་གསང་བའི་དཀྱིལ་འཁོར་ནི།། ཧེ་རུ་ཀ
310b2 ཡི་དཀྱིལ་འཁོར་བསྐྱེད།། བསྐྱེད་ཅིང་སྤྱན་དྲངས་མཆོད་བསྟོད་དེ།། བྱིན་བརླབས་དབང་བསྐུར་ཚུལ་བཞིན་བྱ།། བཟླས་བརྗོད་དག་ཀྱང་མཐུན་བྱས་ནས།། དེ་ནས་དབང་བྱེད་མ་བསྒྲུབས་པ། ས་ཡི་དཀྱིལ་འཁོར
310b3 འདོམ་གང་ལ།། དབུས་སུ་གྲུ་གསུམ་མཐིང་ནག་བྲི།། དེ་ལ་ཟླ་གམ་གསུམ་གྱིས་བསྐོར།། ཟླུམ་པོ་ཞི་བ་དཀར་པོ་ལ།། རྒྱས་པ་གྲུ་བཞི་སེར་དམར་ལྡང་།། ཐ་མ་ལྕགས་རི་ནག་པོས་བསྐོར།། གསང་བའི་དཀྱིལ
310b4 འཁོར་བསྟན་པ་ནི།། ཞི་བ་རབ་ཏུ་རྒྱས་པ་ལ།། དེ་ལ་ཐིག་བཞི་གྲུ་བཞིར་གདབ།། མ་བཞི་ལོགས་བཞིར་དགོད་པར་བྱ།། མཚམས་བཞིར་ལས་བྱེད་བཞི་དགོད་བྱ།། མ་མོ་བཞི་ཡི་ཐོད་པ་ལ།། མཐིང་ནག་གྲུ
310b5 གསུམ་འབར་བའི་སྟེང་།། དཔལ་གྱི་ཕྱག་རྒྱ་དགོད་པར་བྱ།། དེ་ནི་དཔལ་གསང་བའི་དཀྱིལ་འཁོར་རོ།། རྒྱལ་པོ་གསུམ་དང་གསོན་ཁྲག་གསུམ།། ཆུ་སྣ་གསུམ་དང་དུག་སྣ་གསུམ།། རྫས་གསུམ་དྲག་པོའི་ཤ་སྣ
310b6 གསུམ།། དགྲ་བོའི་མིང་རུས་བྲིས་ནས་ནི།། རབས་ཆད་ཐོད་པའི་ནང་དུ་བླུག། རྒྱུ་ཞགས་དག་གིས་དམ་དུ་བཅིང་།། རྒྱུས་པའི་གཟུངས་ཐགས། ཐག། རབ་ཏུ་གདགས།། གསང་བའི་དཀྱིལ་འཁོར་དམ་པ
iiif viewer powered by OpenSeadragon
