| e-texts navigator |
| Wylie |
310a1 འདུལ་མཛད་པ།། འཇིགས་བྱེད་ཧེ་རུ་ཀ་ཡིས་ནི།། མ་མོ་འབུམ་ཐིག་བཀའ་སྩལ་ཏེ།། སྔོན་ལས་དཀར་ནག་འདྲེས་པ་ལས།། སྣང་སྲིད་མ་མོ་འབུམ་དུ་འགྱུར།། དེ་ལ་དབང་ཆེན་མ་མོ་ནི། ཁྲི་དང་ཚིག
310a2 སྟོང་དག་ཏུ་སྲིད།། དེ་ལས་སྲོག་གཅོད་བདག་མོ་སྟེ།། བྱུང་བའི་ཡན་ལག་སྣང་བ་ནི།། མ་མོ་སྟོང་དང་རྩ་བརྒྱད་སྲིད།། འགུགས་ཤིང་འདྲེན་པའི་ལས་མཛད་མ།། ཕོ་ཉ་ཉིས་བརྒྱ་ལྔ་བཅུ་གཉིས།། གསོད་ཅིག་གསོད
310a3 པའི་ལས་བྱེད་མ།། བདུད་མོ་ཉིས་བརྒྱ་ལྔ་བཅུ་གཉིས།། མཛེས་པའི་ཚུལ་སྟོན་ལས་བྱེད་པ།། སྨན་ཕྲན་གཉིས་བརྒྱ་ལྔ་བཅུ་གཉིས།། ལེགས་ཉེས་རྗེས་སུ་ལས་བྱེད་མ།། ཉུལ་ལེ་ཉིས་བརྒྱ་ལྔ་བཅུ་གཉིས།། དེ་ཡི
310a4 ནང་ནས་གཙོ་མོ་ནི།། ནམ་མཁའ་རྣམ་པར་སེལ་བྱེད་མ། ཁྲམ་ཁ་སྟོང་གི་དབང་མོ་ཆེ།། ས་ཁམས་ཤ་རུས་དབང་བྱེད་མ།། ས་གཞི་འདེབས་པའི་དབང་མོ་ཆེ།། ཆུ་ཁམས་ཁྲག་ལ་དབང་བྱེད་མ།། རྒྱ་མཚོ་གླིང་གི
310a5 དབང་མོ་ཆེ།། རླུང་ཁམས་དབུགས་ལ་དབང་བྱེད་མ།། རི་རབ་གླིང་བཞི་དབང་མོ་ཆེ།། ཀུན་ལ་ཁྱབ་པའི་དེ་བཞིན་ཉིད།། ཐིག་ལེ་ཆེན་པོ་མངོན་སངས་རྒྱས།། སྲིད་པའི་བདེ་འགྲོ་མ་རུ་བརྗོད།། ཡང་ཏིག་བཀོལ
310a6 བའི་རྒྱུད་ལས། མ་མོ་འདས་པའི་བཅའ་གཞིའི་ལེའུ་སྟེ་དང་པོའོ།། །། དེ་ནས་སྒྲུབ་པའི་གནས་བསྟན་པ། དུར་ཁྲོད་ས་ཕུག་རི་བྲག་དང་།། ཉམས་དགའ་བ་ཡི་ས་ཕྱོགས་སུ།། ཆུ་ཀླུང་ནགས་ཚལ་ལ་སོགས
iiif viewer powered by OpenSeadragon
