| e-texts navigator |
| Wylie |
309b1 བའི་རྒྱུད་ལས། མ་མོ་དམ་ཚིག་བསྟན་པའི་ལེའུ་སྟེ་དགུ་པའོ།། །། རྒྱུད་འདི་ཇི་ལྟར་འབྱུང་བའི་ཁུངས་ནི། དྷ་ན་སང་ཤི་ཏ་དུར་ཁྲོད་བསིལ་བའི་ཚལ་དུ་དགོངས་པ་མཛད་པ་ལས། བ་རི་ཏ་ཀའི་ཁང་པའི་ནང
309b2 ནས་ཡ་མཚན་ཆེ་བའི་དྷརྨ་འོད་ཀྱིས་བསྐོར་བ་འདི་བྱུང་ངོ་།། སྲིད་པའི་མ་མོ་འདུ་བ་དང་། མཆོད་པ་བྱེད་པ་དང་། ཕྱག་བྱེད་པ་ཉམས་སུ་བྱུང་བས། སློབ་དཔོན་ལ་ཡང་བར་ཆད་བཏང་ངོ་།། དེ་ནས་སློབ་དཔོན་གྱིས
309b3 ཀྱང་མཆོད་རྟེན་བདེ་བྱེད་བརྩེགས་སུ་བྱོན་པས། མ་མོ་ཤ་དང་ཁྲག་གིས་བྲིད་དབང་དུ་འདུས་པར་མཛད་པ་ལས། ནང་པར་འགྲོ་ཀར་མ་མོ་རྣམས་བྱུང་བ་ལས། ཁྱེད་རང་གི་སྲོག་སྙིང་ཁྱེར་ལས་ཤོག་བྱས་པ་ལས།།
309b4 མ་མོས་དེར་འོངས་སོ།། དེ་ནས་མ་མོ་རྣམས་དབང་དུ་འདུས་སོ།། དེ་ནས་སློབ་དཔོན་གྱིས་ཀྱང་དུར་ཁྲོད་བསིལ་བའི་ཚལ་དུ་སྦས་པ་ལ། བཙན་པོ་ལ་དགྲ་ལངས་ནས་བླངས་པ་ལགས་སོ།། མ་མོ་རྣམས་ཀྱི་སྙིང
309b5 ཏིག་བཀོལ་བའི་རྒྱུད་རྫོགས་སོ།། །།
309b6 རྒྱ་གར་སྐད་དུ། མ་མོ་ཙིཏྟ་ཡང་སྙིང་། བལ་མོའི་སྐད་དུ་སྒྲོག་ཟེར། སཾ་སྐྲྀ་ཏའི་སྐད་དུ་སྙིང་ཏིག། བོད་སྐད་དུ། སྲོག་ཏིག་དང་སྙིང་ཏིག་གི་རྒྱུད་ཅེས་བྱའོ།། ཧེ་རུ་ཀ་ལ་ཕྱག་འཚལ་ལོ།། དེ་ནས་མ་མོ
iiif viewer powered by OpenSeadragon
