| e-texts navigator |
| Wylie |
309a1 བདུན་པའོ།། །། དེ་ནས་མ་མོ་དབང་དུ་བསྡུ་སྟེ། བལྟ་བས་བསྡུ་དང་སྤྱོད་པས་བསྡུ།། བལྟ་བས་བསྡུ་ནི་འདི་རྣམས་ཏེ།། ཕྱི་ནང་སྲིད་པ་བདེ་འགྲོ་མ།། འབྱུང་བ་བཞི་ལས་སྲིད་པ་ལ།། ཐམས
309a2 ཅད་འབྱུང་བའི་རང་བཞིན་ཡིན།། དེ་ནས་མི་དམིགས་པ་རུ་བསྒོམ།། དེ་ནི་བལྟ་བའི་དབང་སྡུད་དོ།། སྤྱོད་པ་ཆེ་མཆོག་ཧེ་རུ་ཀ་རུ་བསྒོམ།། རཀྟའི་མཚོ་ལ་གནས་བཅས་མོ།། དབུ་ཡང་རྡོ་རྗེ་ཚལ་པ་ལ།། དབུ་ནས
309a3 རྒྱབ་ཏུ་འགེམས་པར་བྱེད།། གནམ་ལྕགས་ངུར་མོས་མགོ་ནས་རྒྱབ་ཏུ་འགེམས།། སྐུ་ཡང་རྡོ་རྗེ་རྡུལ་དུ་རློག་པར་བྱེད།། བདག་ཉིད་ཕྱག་ན་གནམ་ལྕགས་ངུར་མོ་བསྣམས་པར་བསྒོམ། མ་མོ་རང་དབང་མེད་པར
309a4 སྲོག་གཉིས་ནས་དྲང་། འདར་བར་བསྒོམ་པར་བྱའོ།། སྙིང་ཏིག་བཀོལ་བའི་རྒྱུད་ལས། དབང་དུ་བསྡུ་བ་དང་ཤི་ས་བསྟན་པའི་ལེའུ་སྟེ་བརྒྱད་པའོ།། །། དེ་ནས་དམ་ཚིག་བསྟན་པ་ནི། སྤྱི་ཡི་དམ་ཚིག་ཐུན་མོང
309a5 ལས།། མ་མོའི་སྒོས་དམ་འདི་ལྟར་བསྲུང་།། རྫས་དང་ཡོ་བྱད་ལྡན་པར་བྱ།། མ་མོའི་རྒྱུ་དུས་ཤེས་པར་བྱ།། དམ་ཉམ་དག་དང་འཕྲད་མི་བྱ།། བསྙེན་པའི་ལྷ་ཡང་གསལ་བར་བསྒོམ།། མ་མོའི་སྙིང་པོ་མ་ནོར
309a6 བཟླས།། ཉེས་པ་ཆུང་ལ་མི་བྱའོ།། སློབ་དཔོན་དགྲ་ལ་བསྒྲིམས་དམ་བྱ།། སུ་ལ་ཡང་ནི་མི་བསྟན་པ།། མ་མོ་ལ་དང་སྒྲུབ་པ་པོ།། འདི་ནི་མ་མོའི་དམ་ཚིག་གོ། རང་གི་སྲོག་བཞིན་བསྲུང་བར་བྱ།། སྙིང་ཏིག་བཀོལ
iiif viewer powered by OpenSeadragon
