| e-texts navigator |
| Wylie |
299b1 དགྲ་གདུལ་བ་དང་། དེ་ཡིས་བཀའ་ཅི་སྩོལ་བའི་དངོས་གྲུབ་སྦྱིན་ནོ་ཞེས། ཁས་བླངས་དམ་བཅས་པའི་དམ་ཚིག་ལས་མི་འདའ་བར་བྱ་བ་དང་། ཁྱོད་ཀྱི་སྐུ་ཡི་ཁྱད་པར་བསྟན་པ་དང་། ཁྱོད་ཀྱི་སྐུ་གསུང་ཐུགས་ཀྱི
299b2 དངོས་གྲུབ་སྩལ་དུ་གསོལ། ཁྱད་པར་དུ་ཡང་བདག་གི་དགྲ་བོ་ཆེ་གེ་མོ་འདི། སྔོན་ལས་ཀྱི་རྣམ་པར་སྨིན་པ་ལ་མ་གཞག་གཞན་གྱིས་གནོད་པའི་སྦྱོར་བ་ལ་མ་ལྟོས། དུས་ད་ལྟ་ཉིད་དུ་རྟགས་རྣམ་པ་སྣ་ཚོགས་བསྟན
299b3 དུ་གསོལ།། ཧཱུཾ་ཧོ། དཔལ་ལྷ་མོ་ཁྱེད་ལ་བརྣག་པའི་ལས་བཅོལ་བ་ནི། དཀོན་མཆོག་གསུམ་གྱི་སྤྱི་དགྲ་རྣལ་འབྱོར་གྱི་སྒོས་དགྲ། སངས་རྒྱས་ཀྱི་བསྟན་པ་བཤིག་པ། དཀོན་མཆོག་གི་དབུ་འཕང་སྨོད་པ། ཆོས
299b4 འཁོར་རྩེ་ནས་འཇོམས་པ་མི་ཐུབ་ཐུབ་ཟེར་བ། མི་ཆོད་ཆོད་ཟེར་བ། ཁ་དྲག་སྨྲ་བ། བསྟན་པ་གཤིག་པ། ཡ་ག་ཟེར་བ། དཀོར་ལ་རློམ་པ་བྱང་དམར་ལ་བཏབ་པའི་དགྲ་བོ་ཆེ་གེ་མོ་འདི་ལས་ཀྱི་རླུང་དམར་གྱིས
299b5 རྒྱབ་ནས་ཕུལ་ཅིག་འཇིགས་པའི་མུན་པས་མདུན་ནས་སུས་ཤིག་མི་བཟོད་པའི་འོ་དོད་འབོད་དུ་ཆུག་ཅིག་རྟགས་དང་མཚན་མ་མྱུར་དུ་སྟོན་ཅིག་ཁ་ནས་ཁྲག་སྐྱུག་ཏུ་ཆུག་ཅིག། སྣ་ནས་ཆུ་སེར་འཛག་ཏུ་ཆུག་ཅིག།
299b6 ལུས་ལ་ཚ་བའི་མེ་འབར་ཏུ་ཆུག་ཅིག་ལུས་ངག་ཐལ་བའི་རྡུལ་དུ་རློག་པར་མཛད་དུ་གསོལ།། ཧཱུཾ་ཧོ།། དཔལ་ལྷ་མོ་ཙིཏྟ་གསང་བའི་སྲོག་རྒྱལ་བུའི་རྒྱུད་ལས་ཕྲིན་ལས་བཅོལ་བའི་ལེའུ་སྟེ་བཅོ་ལྔ་པའོ།། །། དེ
iiif viewer powered by OpenSeadragon
