| e-texts navigator |
| Wylie |
299a1 འདི་མཐར་ཕྱུང་ཞིག། གསུང་ཆེན་ཤ་ལ་རོལ་ཏེ་གཤེགས་སུ་གསོལ།། དམར་ཆེན་ཁྲག་ལ་རོལ་ཏེ་མཆོད་པར་བཞེས།། རུས་ཆེན་རྐང་ལ་རོལ་ཏེ་མཆོད་པར་བཞེས།། ཤ་རུས་དམ་རྫས་བདུད་རྩི་འདི
299a2 གསོལ་ལ།། བདག་གིས་མངགས་པའི་ལས་འདི་གྲུབ་པར་མཛོད།། ད་ནི་བུ་གཅིག་སྦུ་གུ་མ་ཉམས་སེམས།། འབྲས་བུ་མི་དབང་སྨིན་པའི་མཚལ་ཐིག་འདི།། མ་ལ་འབུལ་ལོ་ཟོ་འོ་མ་གཅིག་མ།། མ་དག་བསྟན་པའི
299a3 དམ་རྫས་འདི་གསོལ་ལ།། ད་ལྟ་ཉིད་དུ་དགྲ་ལ་རྟགས་ཕྱུང་ཞིག། མ་མ་ནག་མོ་པེ་ཏ་ལི། ཀུ་ལུ་ཀུ་ལུ་ཧ་ཏ། ས་མ་ཡ་ཁཱ་ཧི་རཀྟ་ཁཱ་ཧི། པཉྩ་ཨ་མྲྀ་ཏ་ཁཱ་ཧི། དཔལ་ལྷ་མོ་ཙིཏྟ་གསང་བའི་སྲོག་རྐྱལ་བུའི་རྒྱུད་ལས། ཤ
299a4 ཁྲག་གི་མཆོད་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་བཅོམ་ལྡན་འདས་ཀྱིས་དཔལ་ལྷ་མོ་ལ་ཕྲིན་ལས་བཅོལ་བའི་ལས་འདི་གསུངས་སོ།། ཧཱུཾ་ཧོ་སྔོན་ཡུང་པོ་མ་ལོན་པའི་དུས་ལ། དུར་ཁྲོད་རོ་ཐང་ནག
299a5 པོའི་གྲོང་ཁྱེར་མ་རུ་ཙེ་ཡི་སྒོ་འགྲམ་དུ།། གཤིན་རྗེའི་ཡུམ་གཅིག་བདུད་ཀྱི་ལྷམ་མོ་རེ་མ་ཏི་ཡུམ་ཆེན་ཨེ་ཀ་ཛ་ཊིའི་དངོས་གྲུབ་བསྒྲུབས་ནས་ཞབས་ལ་སྤྱི་བོས་ཕྱག་འཚལ་ཏེ། ལྷའི་ངག་སྙན་པ་དང་ཚིག་བདེན་པ
299a6 དང་། ཉིད་ཀྱི་སྲོག་གི་སྙིང་པོ་མདོངས་གསོལ་དུ་ཕུལ་ནས་ཕྱི་རབས་སྔགས་འཆང་གི་སྲུང་མར་ཞལ་གྱིས་བཞེས་ཏེ།། བདག་ལ་བསྟོད་པ་དང་། མཆོད་པ་དང་། ཡི་དམ་དུ་བྱེད་པ་རྣམས་ཀྱི་རྐྱེན་བཟློག་པ་དང་། སྐུ
iiif viewer powered by OpenSeadragon
