| e-texts navigator |
| Wylie |
298b1 གི་འཁོར་བཅས་ལ།། རྣམ་དག་བདུད་རྩི་དམ་རྫས་མཉེས་མཆོད་འབུལ།། ཐུགས་རྗེ་ཆེ་དགོངས་དབང་དང་དངོས་གྲུབ་སྩོལ།། རྡོ་རྗེ་དྲི་ཆུ་བདུད་རྩི་མཆོག། པཉྩ་ཤ་མྲྀ་ཏ་དང་སྦྱར།། དམ་ཚིག་སྙིང་གི་ཁྲག་ཆེན
298b2 པོ།། བསྲེ་བའི་མཆོག་སྟེ་སྲོག་གི་སྙིང་།། སྙིང་དང་སྙིང་གི་གྲོགས་མོར་བྱའོ།། མ་ཧ་ཀུ་རུ་ས་མ་ཡ། མ་ཧཱ་པཉྩ་ས་མ་ཡ། མ་ཧཱ་ཨ་མྲྀ་ཏ་ས་མ་ཡ། དཔལ་ལྷ་མོ་ཙིཏྟ་གསང་བའི་སྲོག་རྐྱལ་བུའི་རྒྱུད་ལས། གར
298b3 དང་ཐུགས་དམ་བསྐང་བའི་ལེའུ་སྟེ་བཅུ་གསུམ་པའོ།། །། དེ་ནས་ཡང་བཅོམ་ལྡན་འདས་ཀྱིས་དཔལ་ལྷ་མོ་ལ་དུག་གསུམ་ཤ་ཁྲག་གི་མཆོད་པ་འདི་གསུངས་སོ།། མཐིང་ནག་འཇིགས་པའི་རྒྱལ་མོ་གཤེགས་སུ
298b4 གསོལ།། ནག་མོ་མི་བཟད་རྒྱལ་མོ་གཤེགས་སུ་གསོལ།། ཕྱག་བརྙན་གྲུབ་འཛིན་རྒྱལ་མོ་གཤེགས་སུ་གསོལ།། མདོག་བཟང་ནག་མོ་མཐུ་ཆེན་རྒྱལ་མོ་གཤེགས་སུ་གསོལ།། ཨེ་ཧྱེ་ཧི་ཚུར་གཤེགས་འཁོར་དང
298b5 བཅས།། ཛཿཧཱུཾ་བཾ་ཧོཿསྤྱན་འདྲེན་གཤེགས་སུ་གསོལ།། མ་གཅིག་ཆེན་མོ་འདིར་སྤྱོན་ཤ་ལ་སྤྱོན།། དགྲ་བགེགས་འབྱུང་པོའི་ཤ་འདི་ཟན་པས་ཞིམ།། མ་གཅིག་ཆེན་མོ་འདིར་སྤྱོན་ཁྲག་ལ་སྤྱོན།། དགྲ་བགེགས
298b6 འབྱུང་པོའི་ཁྲག་འདི་ཆང་བས་ཞིམ།། མ་གཅིག་ཆེན་མོ་འདིར་སྦྲོན་རུས་ལ་སྦྲོན།། དགྲ་བགེགས་འབྱུང་པོའི་རུས་པ་མར་བས་ཞིམ།། འབྱུང་པོའི་ཤ་ཁྲག་རུས་པ་འདི་གསོལ་ལ།། བདག་གིས་མངགས་པའི་ལས
iiif viewer powered by OpenSeadragon
