| e-texts navigator |
| Wylie |
297b1 ལ་བཀའ་ཉན་སྟོང་།། བཀའ་ཉན་རེ་ལ་ཕྱག་བརྙན་འབུམ།། སྣང་སྲིད་བདག་ལ་ཕྱག་འཚལ་ལོ།། དེ་ཕྱིར་ཞིང་ཀུན་དྲོད་འབེབས་མ།། འཚུམས་མ་ཀུན་གྱི་སྣ་འདྲེན་ཅིང་།། ཆུ་བོ་ཀུན་གྱི་གཞུང་བྱེད་མ།། ནག་མོ
297b2 གཙོ་ལ་ཕྱག་འཚལ་ལོ།། དབྱར་ཞིང་ནམ་མཁའི་ཁམས་ནས་རྒྱུ།། འབྲུག་དང་གློག་གི་བདག་མོ་མཛད།། ཐོག་དང་བུ་ཡུག་འཕེབས་མཛད་མ།། གློག་མ་སྲིན་ལ་ཕྱག་འཚལ་ལོ།། སྟོན་ཞིང་འབྲས་བུ་སྨིན་མཛད
297b3 ཅིང་།། སྤང་པོ་དེ་ནི་ཁ་སེར་ལ།། འབྲས་བུ་ལོ་ཐོག་བཅུད་ལེན་མ།། མི་རྣམས་ཀུན་གྱི་དཔལ་འཕྲོག་མ།། ཀློང་དགུ་མ་ལ་ཕྱག་འཚལ་ལོ།། དགུན་ཞིང་རྒྱ་མཚོའི་གཏིང་ན་བཞུགས། ཁམས་གསུམ་ཀུན་ལ་རྒྱས
297b4 འདེབས་མ།། ཀླུ་བྲན་ཀུན་གྱི་དགྱེས་སྡེ་མོ།། གློག་འགྱུ་མ་ལ་ཕྱག་འཚལ་ལོ།། རག་མོ་རག་མོ་མ་དུནྟིང་ན་མ་ཧཱ་ཡ་ཧི། དཔལ་ལྡན་ལྷ་མོ་རེ་མ་ཏི།། མི་བཟད་ནག་མོ་འཁོར་དང་བཅས།། བྱང་ཤར་མཚམས
297b5 ནས་སྤྱན་འདྲེན་གྱིས།། ཕྲིན་ལས་མཛད་ཅིང་བརྟན་པར་བཞུགས།། རཀྵ་མ་ཧི་ཀུ་ལ་པདྨ་ས་མ་ཡ་ཏིཥྛ་ལྷན། དཔལ་ལྷ་མོ་ཙིཏྟ་གསང་བའི་སྲོག་ལས་ཀྱི་རྒྱལ་བུའི་རྒྱུད་ལས། ཕྱག་འཚལ་བ་དང་། བརྟན་པར
297b6 བཞུགས་སུ་གསོལ་བའི་ལེའུ་སྟེ་བཅུ་གཉིས་པའོ།། །། ཡང་བཅོམ་ལྡན་འདས་ཀྱི་དཔལ་ལྷ་མོ་ལ། གར་དང་ཐུགས་དམ་བསྐང་བའི་ལས་འདི་གསུངས་སོ།། གཡས་གཡོན་ཐབས་དང་ཤེས་རབ་སྟེ།། ལྷ
iiif viewer powered by OpenSeadragon
