| e-texts navigator |
| Wylie |
296b1 ཚོགས་ནི་མཐའ་དབུས་བརྡལ།། ཀེང་རུས་འབར་བའི་རི་རབ་མི་བཟད་པ།། དེ་སྟེང་རྡོ་རྗེ་རྒྱ་གྲམ་གཅལ་བཀྲམ་སྟེ།། སྣ་ཚོགས་དག་པའི་སྣང་བ་འདི་བརྗོད་དོ།། བྷྲཱུཾ་བྷནྡ་ཙཀྲ་ཧ་ལ་ཧ་ལ་ཧཱུཾ། མི་བཟད་མཐིང་ནག
296b2 འབར་བའི་གཞལ་ཡས་ནི།། ཆུ་སྲིན་བྱེ་བ་ས་ཡའི་ཐོད་པ་ལ།། མི་བཟད་དུར་ཁྲོད་འབར་བའི་རྩིག་རྨང་བྱས།། ཐོད་སྐམ་དགུ་ཡི་རྩིག་པ་མཁར་དུ་བརྩིག། གནམ་ལྕགས་ཨུརྨོ་འབར་བའི་གཟེར་གྱིས་བཏབ།། རིན
296b3 ཆེན་མཆོག་གི་ཟུར་བཞི་མཛེས་པར་བརྒྱན།། གཡུ་འོད་སྔོན་པོ་འབར་བའི་ཁ་བད་ཅན།། མུ་ཁྱུད་གནམ་ལྕགས་འབར་བའི་རི་ཡིས་བསྐོར།། སུམ་པ་སུམ་བ་བྷནྡྷ་རཀྵ་ཏི་ར་བཾ།། མཐིང་ནག་འབར་བའི་དཀྱིལ
296b4 འཁོར་ན།། ཞིང་ཆེན་ཞིང་ཆུང་བཅལ་དུ་བཀྲམ།། མཆོག་ཆེན་མཆོག་ཕྲན་གདན་དུ་གཏིང་།། ཐེ་བྲག་དགུ་བརྒྱའི་གབ་ཙེ་ལ།། ལྷ་སྲིན་ཀུན་ཀྱང་གདན་དུ་བཏིང་།། ནརྀ་སྟི་ར་བཾ། ཡཀྵ་སྟི་ར་བཾ། དེ་བ་ཏི་ཏ་བཾ། རུ་དྲ
296b5 མཎྜལ་ཧཱུཾ། དཔལ་ལྷ་མོ་ཙིཏྟ་གསང་བའི་སྲོག་རྒྱལ་བུའི་རྒྱུད་ལས། གཞལ་ཡས་ཁང་གདན་དང་བཅས་པ་བསྒོམ་པའི་ལེའུ་སྟེ་བཅུ་པའོ།། །། དེ་ནས་ཡང་བཅོམ་ལྡན་འདས་ཀྱི་ལྷ་མོ་སྐུ་བསྐྱེད་ཅིང་སྤྱན་དྲངས་པ
296b6 འདི་གསུངས་སོ།། ཨོཾ་ནག་མོ་ཏི་ལིང་མ་མ་དུན་ཏིང་བྷྱོ། ཧཱུཾ་བྷྱོ། ཡི་གེ་མ་ལས་བསྐྱེད་པའི་ལྷ་མོ་ནི།། མཐིང་ནག་ཞལ་གཅིག་ཕྱག་བཞི་སྲིན་མོའི་ཚུལ།། རལ་པའི་ཐོར་ཚུགས་གསེར་དང་བྱེ་རུས་བརྒྱན།། དུས
iiif viewer powered by OpenSeadragon
