| e-texts navigator |
| Wylie |
280a1 སྔགས་ཀྱིས་བསྐོར།། འོག་མ་རྣམས་ལ་དབུས་སུ་མ་བྲིས།། དེ་ལ་མ་མོའི་སྔགས་ཀྱིས་བསྐོར།། བར་དུ་བསྒྲུབ་བྱའི་གཟུགས་དང་མིང་རུས་གཞུག། ཕུར་པའི་སྔགས་དང་མ་མོའི་སྔགས།། གཤིན་རྗེའི
280a2 སྔགས་ཁྲོ་བཅུའི་སྔགས་དང་། ཛ་ཏིའི་སྔགས་དང་། ཕུར་པ་རེ་རེ་ལ་བསྔགས་ལ་མནན། དེ་ལྟར་ལས་རྣམས་བྱས་གྱུར་ན།། དགྲ་ནམས་ཀུན་ལ་གནོད་པར་འགྱུར།། ནག་མོའི་སྔགས་རྒྱུད་ཕྱི་མ་ལས། གནས་དང
280a3 དཀྱིལ་འཁོར་ཐོད་ཚལ་གྱི་ལེའུ་སྟེ་གཉིས་པའོ།། །། དེ་ནས་དམ་རྫས་བསྟན་པ་ལ།། ཤ་ཆེན་དང་ནི་ཚིལ་ཆེན་དང་།། བོང་བུ་རླིག་པ་ནལ་བུའི་ཤ། བུད་མེད་མངལ་ཁྲག་ཤི་ཀའི་ཁྲག། གཞན་ཡང་ཁྲག
280a4 སྣ་ཐམས་ཅད་དང་།། ལུག་ནག་སྤྱི་དཀར་བྱ་ནག་དང་།། འབྲང་རྒྱས་ཕྱེད་དཀར་ཕྱེད་ནག་དང་།། ཐལ་ཆེན་དག་ནི་མིང་རུས་རྒྱུད།། རེ་མ་ཏི་ཡི་རྫས་སུ་བསག། ལྷོ་ཡི་གླིང་ནས་ཕྱུང་བ་ཡིས།། ར་སྐྱུགས་ལ་སོགས
280a5 རྫས་རྣམས་ཀུན།། སྟར་ག་ལ་སོགས་རྫས་རྣམས་ཀྱང་།། དྲེའུ་སྣ་མ་ཡི་རྫས་སུ་བསག། མཆིན་མཁྲིས་ལ་སོགས་རྫས་རྣམས་ཀྱང་།། སྨྱུག་མའི་སྦུ་གུ་བལ་ཚོན་ལྔ།། སྣ་ཁྲག་ལ་སོགས་རྫས་རྣམས་ཀྱང་། ཁྲི་གཉན་ལ
280a6 སེའི་རྫས་སུ་བསག། གཞན་ཡང་ཤུན་ཆེན་སྐྲག་པ་དང་། སྤྱི་བླུགས་ཞྭ་ལ་སོགས་པ་ཡང་།། རྩ་བའི་རྒྱུད་བཞིན་བསག་པར་བྱ།། ད་ནི་དམ་རྫས་གཞག་པ་ནི།། དབུས་སུ་དཔལ་གྱི་གཏོར་མ་ཡང་།། མ་མཐོང་བར་དུ
iiif viewer powered by OpenSeadragon
