| e-texts navigator |
| Wylie |
279b1 ཅིང་གསད་པའི་སྔགས་དག་གོ། སྔགས་ཞེས་ཀྱང་ནི་དེ་ལ་བྱའོ།། དེ་ལ་རྒྱུད་ཅེས་བྱ་བ་ཡང་།། དོན་རྣམས་ཚང་ཞིང་འབྲེལ་བ་དང་།། དགོས་པ་ཐམས་ཅད་བསྒྲུབ་པའི་ཕྱིར།། དེ་ཕྱིར་རྒྱུད་ཅེས་བྱ་བཤད།། ནག་མོ
279b2 སྔགས་ཀྱི་རྒྱུད་ཕྱི་མ་ལས། རྒྱུད་ཀྱི་མཚན་དྲིས་པའི་ལེའུ་སྟེ་དང་པོའོ།། །། དེ་ནས་ཡང་བྱང་ཆུབ་སེམས་དཔའ་ཕྱག་ན་རྡོ་རྗེས། ཡབ་མངོན་རྫོགས་རྒྱལ་པོ་ལ་འདི་སྐད་ཅེས་གསོལ་ཏོ།། འདི་ཡི་གནས་རྣམས
279b3 ཇི་ལྟ་བུ།། ཟུར་དུ་ཐོད་ཚལ་ཇི་ལྟར་མནན།། དམ་ཚིག་བསག་གཞག་ཇི་ལྟར་ལགས།། མ་མོ་མཆོད་དུས་ཇི་ལྟར་བྱ།། སྔགས་ཀྱི་བཟླས་བརྗོད་ཇི་ལྟར་ལགས།། མངོན་རྫོགས་རྒྱལ་པོས་བཀའ་སྩལ་པ།། དབང
279b4 རྣམས་རྫོགས་ཤིང་དད་པ་ཆེ།། ཐེ་ཚོམ་ཡིད་གཉིས་ཟས་པ་ཡིས།། ཐོག་མར་གནས་རྣམས་བཙལ་བ་ནི།། རི་ལུང་ལ་སོགས་གནས་རྣམས་ཀྱང་།། རྩ་བའི་རྒྱུད་ལས་གསུངས་པ་ཡིས།། བདག་དབང་གཞུང་མཐུན
279b5 གནས་ཀྱང་བཙལ།། དེ་ནས་གནས་ཆེན་དེ་ལྟ་བུར།། མ་མོ་རྣམས་ཀྱི་དཀྱིལ་འཁོར་ནི།། ཟླ་གམ་གསུམ་པ་ཚུལ་བཞིན་དུ།། རྩ་བའི་རྒྱུད་ལས་འབྱུང་བ་བྲི།། དེ་ནས་གནན་པ་སྦྱོར་བ་ཡང་།། གདུག་པ་ཅན་གྱི་མ་མོ
279b6 ཡི།། ཁ་རླངས་སྣ་རླངས་ལ་སོགས་པའི།། གདུག་པའི་གཟི་བྱིན་གདོན་པའི་ཕྱིར།། ཟུར་དུ་ཁུང་བུ་བྲུས་ནས་ནི།། ཐོད་ཚལ་དྲུག་གམ་བརྒྱད་དག་ལ།། ཐོད་པ་སྟེང་མ་རྣམས་ལ་དབུས་སུ་ཡ་བྲིས།། དེ་ལ་ཡ་མ་རཱ་ཙའི
iiif viewer powered by OpenSeadragon
