| e-texts navigator |
| Wylie |
279a1 ཡབ།། ནག་མོ་སྔགས་ཀྱི་རྒྱུད་འདི་ལ།། ངོ་མཚར་རྨད་བྱུང་བསྟན་པ་རྣམས།། བདག་ཅག་ཐེ་ཚོམ་འཚལ་བ་མཆིས། བཅོམ་ལྡན་གསུང་གི་ངོ་བོ་ཡིས།། ཞུ་བའི་དམིགས་རྣམས་བསྟན་དུ
279a2 གསོལ།། འཕགས་པ་ཞེས་ནི་ཇི་ལྟར་ལགས།། ནག་མོ་ཞེས་བགྱི་ཇི་ལྟར་ལགས།། རྒྱུད་ཅེས་བགྱི་བ་ཇི་ལྟར་ལགས།། ཆོས་ཉིད་ངང་ལས་བཞེངས་ནས་ནི།། ཞུ་བའི་དམིགས་རྣམས་བསྟན་མཛོད་ལ།། དེ་ནས
279a3 བཅོམ་ལྡན་འདས་མངོན་རྫོགས་ཡབ།། གཞན་ལ་ཕན་པ་མཛད་པའི་ཕྱིར།། ཚངས་པའི་གསུང་ནི་བྱུང་ནས་སུ།། འདུས་པའི་འཁོར་རྣམས་ཞུ་བ་ཡི།། ཐེ་ཚོམ་མཆིས་པའི་དམིགས་རྣམས་ཀུན།། མ་ལུས་ཞུ་བ་རབ་ཏུ
279a4 ལེགས།། འཕགས་པ་ཞེས་ནི་བྱ་བ་ཡང་།། ཉོན་མོངས་མ་ལུས་ཀུན་ལས་འཕགས།། ཡེ་ཤེས་ཐམས་ཅད་རྫོགས་པར་བྱུང་།། ཀུན་གྱིས་དེ་ལ་སྒེག་ཏུ་མེད།། དེ་ཕྱིར་འཕགས་པ་ཞེས་བྱའོ།། ལྷ་མོ་ཞེས་ནི་བྱ་བ
279a5 ཡང་།། ལྷ་རྣམས་ཀུན་གྱི་འོད་ལས་ནི།། ལྷ་མོ་གཅིག་ཏུ་བྱིན་གྱིས་བརླབས།། ལྷ་མ་ཡིན་གྱི་གཡུལ་ངོ་བཟློག། དེ་ལ་ལྷ་མོ་ཞེས་ནི་བྱ།། ནག་མོ་ཞེས་ནི་བྱ་བ་ཡང་།། མདངས་ལས་སྤྲུལ་པའི་ལྷ་མོ་དེ།། ལོག
279a6 ལྷལྟ་ཐམས་ཅད་གདུལ་བའི་ཕྱིར།། ཕྱོགས་གཅིག་དག་ལ་ཞེ་གནག་ལས།། དེ་ལ་ནག་མོ་ཞེས་བྱའོ།། སྔགས་ཞེས་བྱ་བ་བསྟན་པ་ཡང་།། དེ་ལ་སྔགས་ནི་རྣམ་པ་གཉིས།། བོད་ཅིང་བསྙེན་པའི་སྔགས་དང་ནི།། རྦད
iiif viewer powered by OpenSeadragon
