| e-texts navigator |
| Wylie |
278b1 འོང་།། འགལ་བ་ཆམ་ལ་འབེབས་པའི་སྔགས་འདི་ནི།། བདག་ལ་འཇམ་དཔལ་སྟོན་པས་ལུང་བསྟན་ཏེ།། རྡོ་རྗེ་གདན་གྱི་འོག་ནས་བརྐོས་ནས་འོང་།། ཡང་དག་རུས་པ་སྙིང་རུས་བསྐྱེས་ནས་ནི།། གསེར་ནི་རྫོངས
278b2 པར་ནོར་གྱི་བླ་བྱས་ཏེ།། ཚེ་འདི་མ་འཕོས་སྲོག་སྐྱབས་གསེར་ལ་གྱིས།། དེའི་ཤི་དེའུ་ཆད་བྱས་ཏེ་སྤྱན་སྔར་མཆིས།། མངའ་བདག་རྒྱལ་པོ་ཁྲི་སྲོང་ལྡེའུ་བཙན་དང་།། སྔོན་ཆད་མོལ་བའི་དོན་བཞིན་བདག་གིས
278b3 བགྱིས།། མཁས་པའི་དུག་སྔགས་བཅད་ནས་སེམས་ཕྱོགས་དང་།། རྡོ་རྗེ་གདན་དུ་སྦས་པའི་སྔགས་རྒྱུད་འདི།། དཀའ་བླ་བྱས་ཏེ་དགེ་སློང་བདག་གི་མཆིས།། འདི་ལྟར་དཀའ་བླ་སྤྱད་པ་གྲངས་མེད་ལ།། སྙིང་པོར
278b4 བྱུང་བ་ལྷ་མོ་སྔགས་རྒྱུད་འདི།། བསྟན་པ་བསྲུང་བའི་དྲག་སྔགས་མང་བ་ཞིག། སྟོན་པའི་ཞལ་ནས་མང་པོ་ཀུན་གསུངས་ཀྱང་།། བཅུད་དུ་བྱུང་བ་ལྷ་མོ་སྔགས་རྒྱུད་འདི།། ཉིད་དང་སྲས་དང་ཉིད་དང་འདྲ་བ
278b5 ལས།། གཞན་ལ་སྦྱིན་པ་མིན་གྱིས་གཟིགས་མཛོད་ལ།། བདུད་འདུལ་བེ་ཀར་གླིང་གི་མཛོད་དུ་སྦས།། གཞན་ལ་བྱིན་ན་རྒྱལ་པོ་དམ་ཚིག་ཉམས།། གཞན་ལ་ཡོད་པར་འགྱུར་རེ་སྐན།། །། དེ་ནས་བྱང་ཆུབ
278b6 སེམས་དཔའ་ཕྱག་ན་རྡོ་རྗེ་དང་།། འཁོར་མང་པོ་ལ་སོགས་པ་རྣམས་ཀྱིས། ཚིག་མཐུན་པར་བཅོམ་ལྡན་འདས་མངོན་རྫོགས་ཀྱི་རྒྱལ་པོ་ལ་འདི་སྐད་གསོལ་ཏོ།། ཨེ་མ་ཧོ། བཅོམ་ལྡན་འདས་མངོན་རྫོགས
iiif viewer powered by OpenSeadragon
