| e-texts navigator |
| Wylie |
268b1 ཁ་བསྐང་རྒྱུད་མཆོག་གོ། རྩ་བའི་རྒྱུད་ནི་མུན་པ་ལྟ་བུར་གནས།། ཕྱི་མ་འདི་ནི་མར་མེ་ལྟ་བུར་སྣང་།། མར་མེ་བསྒྱུར་བའི་བསོད་ནམས་དམ་པ་འདིས།། མུན་པ་སེལ་བའི་རྒྱུད་མཆོག་རྟོགས་པར་ཤོག། བདུད
268b2 འདུལ་ལྷ་ཡི་ཕྱི་རྒུད་འདི།། གཞན་ལ་ཡོད་པར་འགྱུར་རེ་སྐན།། །།
268b3 རྒྱ་གར་སྐད་དུ། ཨཱརྱ་དེ་བཱ་ཀཱ་ལཱི་མན་ཏྲ་ཏན་ཏྲ། བོད་སྐད་དུ། འཕགས་པ་ལྷ་མོ་ནག་མོའི་སྔགས་རྒྱུད།། བཅོམ་ལྡན་འདས་ཡབ་མངོན་རྫོགས་ཀྱི་རྒྱལ་པོ་ལ་ཕྱག་འཚལ་ལོ།། འདི་སྐད་བདག
268b4 གིས་ཐོས་པའི་དུས་གཅིག་ན། ཡབ་མངོན་རྫོགས་ཀྱི་རྒྱལ་པོ་ཆོས་ཀྱི་སྐུའི་ངང་ལས་ལོངས་སྤྱོད་རྫོགས་པའི་སྐུར་བཞེངས་ནས། འགྲོ་བ་ཇི་ལྟར་འདུལ་བ་བཞིན་དུ་དགོངས་ནས། འབྱུང་བ་ལྔ་སྲིད་པོའི་རྒྱུར་བཤིག
268b5 ནས། རི་རབ་རི་ཡི་རྩེ་མོ་གཡུང་དྲུང་ལྷའི་གནས་སུ། ཡུམ་ཆེན་མུ་ཁ་ལེ་དང་གཉིས་སུ་མེད་པའི་མཁའ་དབྱིངས་ལས། ཐིག་ལེ་ཆོས་ཀྱི་སྐུའི་ངང་ལས་ལོངས་སྤྱོད་རྫོགས་པའི་སྐུ་སྣང་སྲིད་ཀྱི་བདག་མོ་སྣོད་བཅུད་ལ
268b6 དབང་སྒྱུར་བའི་འབྱུང་བའི་རྒྱལ་མོ་དྲུག་དང་། ཡེ་ཤེས་ཚོགས་ཀྱི་རྗེ་མོ་བཅུ་བཞི་དང་། སྤྲུལ་པའི་སྐུ་དམན་མོ་ལྔ་བཅུ་རྩ་དྲུག་དང་། འདོད་པ་ཁམས་ཀྱི་གནོད་སྦྱིན་མང་པོའི་ཚོགས་རྣམས་འདི་ལྟ་སྟེ། རྒྱ་མཚོའི་ངོས
iiif viewer powered by OpenSeadragon
